საქართველოს უნივერსიტეტი აცხადებს კონკურსს აკადემიური თანამდებობის დასაკავებლად შემდეგ სკოლებში:

1.1 ჯანმდრთელობის მეცნიერებებისა და საზოგადოებრივი ჯანდაცვის სკოლა

• ასოცირებული პროფესორის აკადემიური თანამდებობა საექთნო საქმისა და თერაპიის მიმართულებით (1 ვაკანსია);

1.3 სოციალურ მეცნიერებათა სკოლა

• ასოცირებული პროფესორის აკადემიური თანამდებობა საზოგადოებასთან ურთიერთობების მიმართულებით (1 ვაკანსია);

1.4 საბუნებისმეტყველო მეცნიერებათა სკოლა

• ასოცირებული პროფესორის აკადემიური თანამდებობა კვანტური ფიზიკის მიმართულებით (1 ვაკანსია);
• ასოცირებული პროფესორის აკადემიური თანამდებობა ელემენტარული ნაწილაკების მიმართულებით (2 ვაკანსია);

1.5 ჰუმანიტარულ მეცნიერებათა სკოლა

• ასოცირებული პროფესორის აკადემიური თანამდებობა ელინოლოგიის მიმართულებით (1 ვაკანსია);

წარმოსადგენი დოკუმენტაცია

• საქართველოს უნივერსიტეტის აპლიკაციის ფორმა შევსებული ქართულ ენაზე და ინგლისურ ენაზე (იხილეთ დართული ფაილები);
• განაცხადი საკონკურსო კომისიის სახელზე - იმ ვაკანსიის მითითებით, რომელზეც განაცხადს აკეთებს აპლიკანტი (იხილეთ დართული ფაილი);
• ფოტოსურათი (ზომით 3X4);
• პირადობის მოწმობის ასლი;
• აკადემიური ხარისხის (ბაკალავრი, მაგისტრი, დოქტორი ან მათთან გათანაბრებული) დამადასტურებელი დოკუმენტის ასლი - დამოწმებული ნოტარიულად. უცხოეთში გაცემული ან არაქართულენოვანი დიპლომი უნდა იყოს ნათარგმნი ქართულ ენაზე. უცხოეთში მიღებული კვალიფიკაცია აღიარებული უნდა იყოს განათლების ხარისხის განვითარების ეროვნული ცენტრის მიერ და თარგმანი - დამოწმებული ნოტარიულად;
• ცნობა პედაგოგიური/სამეცნიერო საქმიანობის გამოცდილების შესახებ;
• სამოტივაციო წერილი;
• ორი სარეკომენდაციო წერილი;
• საგნის სილაბუსი (იხილეთ დართული ფაილი);
• გამოქვეყნებული შრომების სია და ასლები (წარმოსადგენია გამოქვეყნებული შრომების სრული ნუსხა. წიგნები, სახელმძღვანელოები, მონოგრაფიები გამოცემული სახით ან ასლები, და მხოლოდ ბოლო ხუთი წლის მანძილზე გამოქვეყნებული სტატიების დედნები ან ასლები).

• წარმოსადგენია საბუთების როგორც ნაბეჭდი, ასევე ელექტრონული ვერსიები.
• ნაკლული დოკუმენტები არ მიიღება!

კრიტერიუმები:
ძირითადი კრიტერიუმებია:

• აკადემიური ხარისხი. სრული და ასოცირებული პროფესორის აკადემიური თანამდებობის დასაკავებლად სავალდებულოა დოქტორის აკადემიური ხარისხი, ასისტენტ‐პროფესორის აკადემიურ თანამდებობაზე შეიძლება არჩეულ იქნას ასევე დოქტორანტი;
• სამეცნიერო‐პედაგოგიური საქმიანობა. სრულ პროფესორს უნდა ჰქონდეს სამეცნიერო‐პედაგოგიური მუშაობის არანაკლებ 6, ხოლო ასოცირებული პროფესორს ‐ არანაკლებ 3 წლის გამოცდილება;

• სამეცნიერო ნაშრომი ბოლო 10 წლის განმავლობაში.

დამატებითი კრიტერიუმებია:

• სილაბუსი/სილაბუსები, რომლებიც ფასდება შინაარსის, სწავლის შედეგებისა და მათი მიღწევის მეთოდების ადეკვატურობით;
• სამეცნიერო კონფერენციებში/სემინარებში მონაწილეობა ‐ ბოლო 5 წლის განმავლობაში;
• სამეცნიერო სტიპენდიები და გრანტები ‐ ბოლო 5 წლის განმავლობაში;
• პროფესიული განვითარების ღონისძიებებში მონაწილეობა;
• უცხოური ენის ცოდნა, სადაც უპირატესობა ენიჭება ინგლისური ენის ცოდნას;

* საკონკურსო კომისიის მოთხოვნის შემთხვევაში, კანდიდატს შეიძლება ეთხოვოს საჯარო ლექციის ჩატარება.
საბუთების მიღება:
საკონკურსო დოკუმენტები მიიღება 2012 წლის 25-დან 30 ივნისის ჩათვლით, სამუშაო დღეებში 10:00 საათიდან 18:00 საათამდე, მისამართზე: თბილისი, კოსტავას ქ. №77ა, III კორპუსი, ოთახი №511.
კონკურსი ჩატარდება 2012 წლის 2 ივლისს.
საჩივრებისა და პრეტენზიების მიღების დღე - 2012 წლის 3 ივლისი.
კონკურსის საბოლოო შედეგები გამოქვეყნდება 2012 წლის 4 ივლისი.

დამატებითი ინფორმაციისთვის მოგვმართეთ: m.janjaria@ug.edu.ge, +(995 32) 2 24 11 44 (140).