ყარამან ფაღავა - მედიცინის მეცნიერებათა დოქტორი, პროფესორი, უძღვება ბავშვთა და მოზარდთა მედიცინის კურსს. გავლილი აქვს საკვალიფიკაციო კურსები რუსეთში, ავსტრიაში, გერმანიაში, გაერთიანებულ სამეფოში. მას აქვს სამედიცინო საქმიანობის ლიცენზია პედიატრიაში, ნეონატოლოგიაში, პედიატრიულ რევმატოლოგიასა და გასტროენტეროლოგიაში. ასრულებდა საქართველოს მთავარი პედიატრის მოვალეობას. აქვს 49-წლიანი პედაგოგიური გამოცდილება. მისი ხელმძღვანელობით შესრულდა 26 დისერტაცია. წაკითხული აქვს ლექციები/მოხსენებები სანქტ-პეტერბურგის, ინსბრუკის, ბონის, ბერლინის, ზაარბრუკენის, ოქსფორდის უნივერსიტეტებში. არის 600-ზე მეტი პუბლიკაციის ავტორი. Scholar.google თანახმად ციტირების ინდექსი 3500-ზე მეტია, H-index=16, i10-index=22. ხელმძღვანელობდა 5 საგრანტო პროექტს. აქვს საერთაშორისო სამეცნიერო-ორგანიზაციული თანამშრომლობის გამოცდილება (WHO, UNICEF, PRINTO, J-PROJECT, EUTEACH, ARPEC, ICORD, EPIRARE). არის 50-ზე მეტი საერთაშორისო კონფერენციის მონაწილე (ორგანიზატორის, სექციის თავმჯდომარის ან სპიკერის როლში). მიიღო ევროპის პედიატრიული განათლების ასოციაციის ყოველწლიური ჯილდო საუკეთესო მოხსენებისთვის. არის ჟურნალების - მოზარდთა მედიცინის (იტალია), თანამედროვე პედიატრიის (უკრაინა), საქართველოს ბიოსამედიცინო ამბების სარედაქციო კოლეგიების წევრი. დაჯილდოებულია ღირსების ორდენით, ცოდნის გავრცელებაში შეტანილი წვლილისთვის - საზოგადოება „ცოდნა“ ილია ჭავჭავაძის სახელობის მედლითა და პრემიით.