2024 წლის 1-2 ივლისს საქართველოს უნივერსიტეტის სოციალურ მეცნიერებათა სკოლის, უსაფრთხოების, პოლიტიკისა და ნაციონალიზმის კვლევის ცენტრისა (UGSPN) და ნატოს სამოკავშირეო ოფისს (NATO in Georgia) შორის თანამშრომლობით ჩაატარდა ორდღიანი პროექტი სახელწოდებით „საქართველოს მედეგობა: თეორია და სიმულაცია“. ღონისძიება მორგებული იყო ბაკალავრიატის მესამე და მეოთხე კურსის სტუდენტებისთვის.

პროექტი მოიცავდა როგორც თეორიულ, ასევე პრაქტიკულ კომპონენტს. პირველ დღეს სტუდენტები დაესწრნენ ლექციებს ნატო-საქართველოს თანამშრომლობის შესახებ (ნატოს სამეკავშირეო ოფისის წარმომადგენლის მიერ) და დემოკრატიული არჩევნებისა და კანონის უზენაესობის მნიშვნელობის შესახებ. მონაწილეებმა ასევე შეიტყვეს იდენტობასთან დაკავშირებული დეზინფორმაციისა და სახელმწიფოსა და საზოგადოების ინფორმაციული მედეგობის შესახებ. მეორე დღეს სტუდენტებმა მონაწილეობა მიიღეს სიმულაციაში, რომელმაც მათ თეორიული ცოდნის პრაქტიკაში გამოყენების შესაძლებლობა მისცა.