15 ივნისს UGSPN-მა გამართა საჯარო დისკუსია თემაზე: „სომხეთის საპარლამენტო არჩევნების შედეგები და სტრატეგიული გავლენა რეგიონზე.“

დისკუსიის ფარგლებში განხილული იქნა სომხეთის შიდა პოლიტიკური დინამიკა არჩევნების შემდეგ, მათ შორის, პოლიტიკური ძალების განლაგება და ახალი პოლიტიკური რეალობის გავლენა ქვეყნის შიდა პროცესებზე. დისკუსიის მნიშვნელოვანი ნაწილი დაეთმო სომხეთ-აზერბაიჯანის სამშვიდობო პროცესის პერსპექტივებს, რეგიონული უსაფრთხოების არქიტექტურასა და სამხრეთ კავკასიაში ძალთა ბალანსის შესაძლო ცვლილებებს. მონაწილეებმა განიხილეს საქართველოსთვის არსებული გამოწვევები და შესაძლებლობები, მათ შორის, რეგიონული სტაბილურობის, სატრანზიტო კავშირების, უსაფრთხოების გარემოსა და სამხრეთ კავკასიის პოტენციური გეოპოლიტიკური გადალაგების თვალსაზრისით.

დისკუსიაში მონაწილეობდნენ:

გიორგი მჭედლიშვილი – ევროპის უნივერსიტეტის ასოცირებული პროფესორი;

გიორგი ტუმასიანი –  ინიციატივა „ჯერ საქართველოს“ წევრი;

დისკუსიას უძღვებოდა:

შალვა ძებისაშვილი – საქართველოს უნივერსიტეტის პროფესორი

მადლობას ვუხდით მომხსენებლებს, მოდერატორსა და დამსწრე აუდიტორიას აქტიური ჩართულობისთვის.