ცვალებადი სამყარო და ახალი ტექნოლოგიური მიღწევები ყოველდღიურად ცვლის უამრავი პროფესიის ალგორითმს, როგორ უნდა ვუპასუხოთ ახალ გამოწვევებს დარგში, რომელიც დემოკრატიული სახელმწიფოს ფუნდამენტია?!

საქართველოს უნივერსიტეტი წარმოგიდგენთ ონლაინ ვორქშოფს – „მედიაცია და ხელოვნური ინტელექტი: იურისტის უნარები ცვალებად სამყაროში“.

ვორქშოფი ჩატარდება 2025 წლის 5 სექტემბერს, 12:00-17:00 საათზე, ზუმში, წინასწარი რეგისტრაციით, ვორქშოფის მონაწილეებისთვის გაიცემა სერტიფიკატი.

ვორქშოფის მიზანია მონაწილეებს გადასცეს როგორც პრაქტიკული მედიაციის უნარები, ასევე თანამედროვე სამართლებრივი ცოდნა ხელოვნური ინტელექტის და ევროკავშირის რეგულაციების გავლენაზე.

მონაწილეები გაეცნობიან მედიაციის არსს და პრაქტიკულ ინსტრუმენტებს კონფლიქტების რეალური გადაჭრისთვის – მოლაპარაკებების ტექნიკას, რეფრეიმინგს, აქტიურ მოსმენას, ეთიკური ნორმების დაცვას და ნეიტრალიტეტის შენარჩუნებას.

ვორქშოფზე განიხილება სამართლის მიმართულებით ხელოვნური ინტელექტის გამოყენების საკითხი, სადაც მონაწილეები ისწავლიან, როგორ ცვლის AI იურიდიულ პროცესებს, რას გულისხმობს ევროკავშირის AI აქტი და რა სამართლებრივი და ეთიკური გამოწვევები ახლავს ციფრულ ტექნოლოგიებს.

ვორქშოფს გაუძღვება ნატა სტურუა, საქართველოს უნივერსიტეტის საერთაშორისო ბიზნეს სამართლის პროგრამის ხელმძღვანელი, მედიატორი და სამართლის ტრენერი, ასევე სამართლის ექსპერტი ავსტრიის IT:U – ინტერდისციპლინარული ტრანსფორმაციის უნივერსიტეტში, რომელიც ევროპის ერთ-ერთი პირველი სრულად დიჯიტალიზაციასა და ციფრულ ტრანსფორმაციაზე ორიენტირებული საჯარო უნივერსიტეტია.

ვორქშოფი განსაკუთრებით საინტერესოა:

· სამართლის ბაკალავრის დამამთავრებელი კურსის სტუდენტებისთვის

· ბაკალავრის კურსდამთავრებულებისთვის, რომლებიც გეგმავენ მაგისტრატურის გაგრძელებას სამართლის ან ინტერდისციპლინარულ სფეროში

· ყველა იმ პირისთვის, ვისაც აინტერესებს სამართლებრივი ინოვაციები, მედიაცია და AI-ის გავლენა იურიდიულ პრაქტიკაში

ვორქშოფის სამუშაო ენა იქნება ინგლისური, მონაწილეთა რაოდენობა შეზღუდულია, მსურველების რეგისტრაცია მიმდინარეობს ბმულზე: https://forms.gle/N4FZW8mCv2JVQbsQ9