ილია ჭავჭავაძის დაბადების 182 წლისთავთან დაკავშირებით, ილია ჭავჭავაძის სახელობის ევროპული კვლევებისა და სამოქალაქო განათლების ცენტრმა სტუდენტებისთვის კინოჩვენება და დისკუსია გამართა, მოქალაქეობისა და მართლმსაჯულების თემაზე. კერძოდ, პროექტის „ახალგაზრდები #მართლმსაჯულებისთვის“ ფარგლებში, საქართველოს უნივერსიტეტის სამართლის სკოლაში ნაჩვენები იყო სინდი ლუმეტის ფილმი „12 განრისხებული მამაკაცი“. პროექტს უძღვებოდა ილია ჭავჭავაძის ცენტრის დამფუძნებელი, იურისტი და პუბლიცისტი ზაზა ბიბილაშვილი. კინოჩვენების მოწვეული სტუმარი იყო სამართალმცოდნე დიმიტრი ძაგნიძე, ხოლო მასპინძელი სამართლის სკოლის დეკანი ანი ხურციძე. კინოჩვენების შემდეგ გაიმართა დისკუსია, რომელშიც მონაწილეობდნენ საქართველოს უნივერსიტეტის სამართლის სკოლის სტუდენტები და აკადემიური პერსონალი.