ჯანმრთელობის მეცნიერებების სკოლის გლობალური და ევროპული ჯანმრთელობის განათლებისა და კვლევების ინსტიტუტი აცხადებს რეგისტრაციას საგანმანათლებლო პროგრამაზე „გლობალური და საზოგადეობრივი ჯანმრთელობის საფრთხეებზე გადაუდებელი მზაობა და რეაგირება“, რომელიც ტარდება ჯანმრთელობის მსოფლიო ორგანიზაციის საქართველოს წარმომადგენლობის მხარდაჭერით.
პროგრამა განკუთვნილია საზოგადოებრივი ჯანმრთელობის სპეციალისტებისთვის, ჯანდაცვითი მეცნიერებების პროგრამების კურსდამთავრებულთათვის და იმ პირებისთვის, რომლებიც აღნიშნული მიმართულებით არიან დასაქმებულები. პროგრამის მიზანია მსმენელები გაეცნონ საზოგადოებრივი ჯანმრთელობის საფრთხეებზე გადაუდებელი მზაობის საფუძვლებს, რეაგირების სტრატეგიებს, საზოგადოებრივი ჯანმრთელობის საფრთხეების რისკების შეფასების იარაღებს და მზადყოფნის პროგრამებს. სწავლების მანძილზე მსმენელებს უნივერსიტეტის აკადემიურ პერსონალთან ერთად, პირადი გამოცდილებიდან საინტერესო პრაქტიკასა და გამოცდილებას გაუზიარებენ და მსმენელებთან ერთად იმსჯელებენ დარგის საერთაშორისო და ადგილობრივი ექსპერტები და სპეციალისტები. კურსზე მსმენელების შერჩევა მოხდება კონკურის წესით და მათთვის პროგრამაში მონაწილეობა უფასოა.
სწავლების მეთოდები:
ლექცია-პრაქტიკული, დისკუსია, სიტუაციური ამოცანების განხილვა, კრიტიკული ანალიზი, მიზნობრივი ლიტერატურიდან რეფერირება, პრეზენტაცია.
საგანმანათლებლო პროგრამა მოიცავს 15 საკონტაქტო საათს. შეხვედრები გაიმართება 16, 17 (17:00 სთ-დან 22:00 სთ-მდე) და 18 ოქტომბერს (11:00 სთ-დან 16:00 სთ-მდე).
მისამართი: საქართველოს უნივერსიტეტის ჯანმრთელობის მეცნიერებების სკოლის გლობალური და ევროპული ჯანმრთელობის განათლებისა და კვლევების ინსტიტუტი, ქავთარაძის 21ა, ჩიხი 4, IV სართული.
რეგისტრაცია შესაძლებელია 2025 წლის 18 სექტემბრის 12:00 სთ-დან 29 სექტემბრის 24:00 სთ-მდე, შემდეგ ბმულზე: https://docs.google.com/forms/d/e/1FAIpQLSfkj75wOyZzhUjTuIoHag5WElmOPc-Yh3DjAH0DJba9SpZM9Q/viewform
რეგისტრაციის გასავლელად აპლიკანტმა აღნიშნულ ბმულზე ასევე უნდა წარმოადგინოს შემდეგი საბუთები:
1. პირადობის მოწმობის ასლი.
2. რეზიუმე/CV მაქსიმუმ 3 გვერდი.
3. უმაღლესი განათლების დამადასტურებელი დიპლომის ასლი ან ცნობა დასრულების შესახებ საგანმანათლებლო დაწესებულებიდან.
4. ერთი რეკომენდაცია დამსაქმებლისგან, მენტორისგან ან აკადემიური ხელმძღვანელისგან.
საკონტაქტო პირი: რატი ნავრუზოვი, გლობალური და ევროპული ჯანმრთელობის განათლებისა და კვლევების ინსტიტუტი, r.navruzovi@ug.edu.ge
