საქართველოს უნივერსიტეტი აცხადებს კონკურსს აკადემიური თანამდებების დასაკავებლად შემდეგი მიმართულებებით:
ბიზნესის, ეკონომიკისა და მართვის სკოლა
* განსაკუთრებული მოთხოვნა: პრაქტიკული გამოცდილება, ინგლისურ ენაზე ლექციის წაყვანის უნარი.
სამართლის სკოლა
* განსაკუთრებული მოთხოვნა: პრაქტიკული გამოცდილება, ინგლისურ ენაზე ლექციის წაყვანის უნარი.
წარმოსადგენი დოკუმენტებია (იხილეთ დართული ფაილები):
ა) განაცხადი საკონკურსო კომისიის სახელზე - იმ ვაკანსიის მითითებით, რომელზეც განაცხადს აკეთებს აპლიკანტი;
ბ) საქართველოს უნივერსიტეტის აპლიკაციის ფორმა შევსებული ქართულ და ინგლისურ ენებზე (კანდიდატს აქვს საშუალება, გააკეთოს არჩევანი MS Excel-ისა და MS Word-ის სააპლიკაციო ფორმებს შორის).
გ) რეზიუმე ქართულ და ინგლისურ ენებზე (არაუმეტეს 80 სიტყვისა);
დ) ფოტოსურათი (ზომით 3X4);
ე) პირადობის მოწმობის ასლი;
ვ) აკადემიური ხარისხის (ბაკალავრი, მაგისტრი, დოქტორი ან მათთან გათანაბრებული) დამადასტურებელი დოკუმენტის ასლი - დამოწმებული ნოტარიულად. უცხოეთში გაცემული ან არაქართულენოვანი დიპლომი უნდა იყოს ნათარგმნი ქართულ ენაზე. უცხოეთში მიღებული კვალიფიკაცია აღიარებული უნდა იყოს განათლების ხარისხის განვითარების ეროვნული ცენტრის მიერ და თარგმანი - დამოწმებული ნოტარიულად;
ზ) ცნობა პედაგოგიური/სამეცნიერო გამოცდილების შესახებ;
თ) სამოტივაციო წერილი;
ი) ორი სარეკომენდაციო წერილი;
კ) საგნის სილაბუს(ებ)ი;
ლ) გამოქვეყნებული შრომების სია და ასლები (წარმოსადგენია გამოქვეყნებული შრომების სრული ნუსხა. წიგნები, სახელმძღვანელოები, მონოგრაფიები გამოცემული სახით ან ასლები და მხოლოდ ბოლო ხუთი წლის მანძილზე გამოქვეყნებული სტატიების ასლები);
საბუთები წარმოსადგენია როგორც მატერიალური, ისე ელექტორნული ფორმითაც;
წარმატებული კანდიდატის გამოვლენა განხორციელდება შემდეგი წესით:
ძირითადი კრიტერიუმებია:
ა) აკადემიური ხარისხი. პროფესორის, ასოცირებული პროფესორის და ასისტენტ-პრფესორის აკადემიური თანამდებობების დასაკავებლად სავალდებულოა დოქტორის ან მასთან გათანაბრებული აკადემიური ხარისხი; ასისტენტის აკადემიური თანამდებობის დაკავება შეუძლია დოქტორანტს;
ბ) სამეცნიერო-პედაგოგიური საქმიანობა. პროფესორს უნდა ჰქონდეს სამეცნიერო-პედაგოგიური მუშაობის არანაკლებ 6 წლის გამოცდილება; ასოცირებულ პროფესორს უნდა ჰქონდეს სამეცნიერო-პედაგოგიური მუშაობის არანაკლებ 3 წლის გამოცდილება;
გ) სამეცნიერო ნაშრომები;
დამატებითი კრიტერიუმებია:
ა) სილაბუსი/სილაბუსები, რომლებიც ფასდება შინაარსის, სწავლის შედეგებისა და მათი მიღწევის მეთოდების ადეკვატურობით;
ბ) სამეცნიერო კონფერენციებში/სემინარებში მონაწილეობა - ბოლო 5 წლის განმავლობაში;
გ) პროფესიული განვითარების ღონისძიებებში მონაწილეობა;
დ) საოფისე კომპიუტერული პროგრამების ცოდნა და პროექტორთან მუშაობის უნარი;
** საკონკურსო კომისიის მოთხოვნის შემთხვევაში, კანდიდატს შეიძლება ეთხოვოს საჯარო ლექციის ჩატარება მის მიერ წარმოდგენილ სილაბუსში მითითებულ ერთ-ერთ საკითზე.
საკონკურსო დოკუმენტების მიღება განხორციელდება 2017 წლის 29 და 30 აგვისტოს 12:00 საათიდან 18:00 საათამდე, მისამართზე: თბილისი, კოსტავას ქ. №77, IV კორპუსი, ოთახი №516.
კონკურსი ჩატარდება 2017 წლის 31 აგვისტოს.
კანდიდატებს კონკურსის წინასწარი შედეგები ეცნობება დაუყოვნებლივ ელექტრონული ფოსტის მეშვეობით.
საონკურსო კომისიის გადაწყვეტილება შეიძლება გასაჩივრდეს სააპელაციო კომისიაში. საჩივრებისა და პრეტენზიების მიღების დღე - 2017 წლის 4 სექტემბერი.
კონკურსის შედეგები გამოქვეყნდება 2017 წლის 6 სექტმებერს საქართველოს უნივერსიტეტის ვებ-გვერდზე www.ug.edu.ge.
