სიახლეები
საქართველოს უნივერსიტეტის გუნდი ELSA-ს მიერ ორგანიზებულ "მსოფლიო სავაჭრო ორგანიზაციის სამართლის იმიტირებული პროცესის შეჯიბრში (EMC2)"
2017 წლის მარტში საქართველოს უნივერსიტეტის გუნდმა მონაწილეობა მიიღო ELSA-ს (ევროპის იურისტ-სტუდენტთა ასოციაციის) მიერ ორგანიზებულ "მსოფლიო სავაჭრო ორგანიზაციის სამართლის იმიტირებული პროცესის შეჯიბრში (EMC2)".
სამართლის სკოლის გუნდმა მარია შირინიანის, თამარ სიმონიშვილის, თამარ ჭოტაშვილისა და ანა ჭოტაშვილის შემადგენლობით, წარმატებით წარადგინა საქართველოს უნივერსიტეტი. მათ ითამაშეს ედინბურგის უნივერსიტეტის, ბარსელონას უნივერსიტეტისა და მსოფლიო სავაჭრო ორგანიზაციის დავების გადაწყვეტის სისტემის სახელგანთქმული ექსპერტების წინაშე.
კიევში გუნდებს ჰქონდათ შესაძლებლობა, რომ წარმოედგინათ როგორც მოსარჩელის, ასევე მოპასუხის სიტყვა პანელის წინაშე. პანელი შედგებოდა მსოფლიო სავაჭრო ორგანიზაციის პროფესიონალებისა და სავაჭრო სამართლის ექსპერტებისგან.
"მსოფლიო სავაჭრო ორგანიზაციის სამართლის იმიტირებული პროცესის შეჯიბრი (EMC2)"
კონცენტრირებულია სამართლის სპეციფიკურ დარგზე. ამ სფეროს მრავალი დამსაქმებელი მონაწილეობას იღებს კონკურში და ხელს უწყობს სტუდენტებს, რომ დასაქმდნენ მათ კომპანიებში. ეს იყო ძალიან სასარგებლო გამოცდილება საქართველოს უნივერსიტეტის სტუდენტებისთვის. ჩვენი გუნდის წევრებმა ღრმად შეისწავლეს სავაჭრო სამართლის საკითხები და გაიუმჯობესეს ზეპირი ადვოკატირების უნარი.
