რამაზ ქვათაძე 

ვლადიმერ სანაძის სახელობის ფიზიკის ინსტიტუტის დირექტორი 

ასოცირებული პროფესორი. დაამთავრა მოსკოვის სახელმწიფო უნივერსიტეტი. 1982 წელს მას მიენიჭა ფიზიკა-მათემატიკის მეცნიერებათა კანდიდატის წოდება მოსკოვის სახელმწიფო უნივერსიტეტში, ხოლო 1996 წელს ფიზიკა-მათემატიკის მეცნიერებათა დოქტორის წოდება თბილისის სახელმწიფო უნივერსიტეტში. ის მუშაობდა თბილისის სახელმწიფო უნივერსიტეტის მაღალი ენერგიების ფიზიკის ინსტიტუტში სხვადასხვა თანამდებობებზე მეცნიერ-თანამშრომლიდან დირექტორის მოადგილემდე სამეცნიერო დარგში. რ. ქვათაძე   ახორციელებდა სამეცნიერო კვლევებს მსოფლიოს რამდენიმე წამყვან სამეცნიერო ცენტრში: ბირთვული კვლევების გაერთიანებულ ინსტიტუტში, დუბნა, რუსეთი; ნილს ბორის ინსტიტუტში, კოპენჰაგენი დანია; ევროპის ნაწილაკთა ფიზიკის ლაბორატორიაში, ჟენევა, შვეიცარია; ბირთვული ფიზიკის ინსტიტუტში, ლიონი, საფრანგეთი და დაამყარა მჭიდრო კონტაქტები ევროპელ მეცნიერებთან. ის იყო NA44, DELPHI და CMS  ექსპერიმენტების წევრი CERN-ში და როგორც CMS კოლობორაციის წევრი არის დიდ ადრონულ კოლაიდერზე ჰიგგს ბოზონის აღმოჩენის სტატიის თანაავტორი. 1999 წლიდან რ. ქვათაძე არის საქართველოს სამეცნიერო-საგანმანათლებლო კომპიუტერული ქსელების ასოციაცია გრენა-ს აღმასრულებელი დირექტორი. 2012 წლიდან არის საქართველოს უნივერსიტეტის პროფესორი. რ. ქვათაძე მონაწილეობდა შემდეგ პროექტებში: საქართველოს მეცნიერებისა და განათლების სამინისტრო - 6, ევროკომისიის ჩარჩო პროგრამა - 16, NATO-ს მეცნიერება მშვიდობისა და უსაფრთხოებისათვის პროგრამა - 14, საერთაშორისო მეცნიერებისა და ტექნოლოგიების ცენტრი-2 და სხვა. ის არის 115 სამეცნიერო ნაშრომის თანაავტორი.

ნუგზარ მოსულიშვილი

ინჟინერი

1980 წელს დაამთავრა ივ. ჯავახიშვილის სახელობის თბილისის სახ. უნივერსიტეტის ფიზიკის ფაკულტეტი, ბირთვული ფიზიკის სპეციალობით. 1980-2010 წლებში მუშაობდა ამავე უნივერსიტეტის ბირთვული ფიზიკის კათედრაზე მეცნიერ თანამშრომლის თანამდებობაზე, 2010-2022 მაღალი ენერგიების ფიზიკის ინსტიტუტში მეცნიერ თანამშრომლის თანამდებობაზე, 1983-1990 პეტერბურგი, ფიზიკა-ტექნიკის ინსტიტუტში ატომური დაჯახებების სამეცნიერო კვლევით ლაბორატორიაში. 2011-2012-იტალიის ბირთვული კვლევების ნაციონალური ინსტიტუტი, „INFN“ რომი, ექსპერიმენტი „კლოე-2“. 2006-დღემდე, „CERN“ შვეიცარია, ექსპერიმენტი ატლასი, კოლაბორაციის წევრი. 2011-დღემდე, მასწავლებელთა პროფესიული განვითარების ეროვნული ცენტრი, საბუნებისმეტყველო ლაბორატორიის გამგე. გამოქვეყნებული აქვს უცხოეთის მაღალრეიტინგულ ჟურნალებში სამეცნიერო სტატიები, იგი არის 50-მდე სამეცნიერო ნაშრომის თანაავტორი. მინიჭებული აქვს რუსთაველის ეროვნული სამეცნიერო ფონდის ჯილდო: 2017 წლის საუკეთესო მეცნიერისა და სამეცნიერო ჯგუფისთვის, ზუსტ და საბუნებისმეტყველო მეცნიერებათა დარგის განვითარებაში შეტანილი წვლილისთვის.

თამაზ ხუნჯუა

მეცნიერ-თანამშრომელი