სიახლეები
საქართველოს უნივერსიტეტის სამართლის სკოლის სტუდენტმა, ირაკლი აფაქიძემ, წარმატებით გაიარა კონკურსი ქართულ-გერმანულ სამეცნიერო-სტუდენტურ სემინარში მონაწილეობის მისაღებად, რომელიც ხორციელდება ბერლინის ჰუმბოლდტის უნივერსიტეტისა და თბილისის სახელმწიფო უნივერსიტეტის თანამშრომლობის ფარგლებში. პროექტის ერთ-ერთი ხელმძღვანელია საქართველოს უნივერსიტეტის სამართლის სკოლის ასოც. პროფ. ბაჩანა ჯიშკარიანი.
სემინარის ფარგლებში ქართველი და გერმანელი სტუდენტები მოამზადებენ ნაშრომებს და გააკეთებენ მოხსენებებს როგორც თბილისში, ასევე ბერლინში. ასევე გაიმართება შეხვედრები სხვადასხვა სტრუქტურებში (ბუნდესტაგი, სასამართლოები და ა.შ.).
სამართლის სკოლა ულოცავს ირაკლის ამ წარმატებას!
