საქართველოს უნივერსიტეტის ჯანმრთელობის მეცნიერებების სკოლის სტომატოლოგიის დეპარტამენტის უფროსი, ელენე გიგინეიშვილი და ამავე დეპარტამენტის პროფესორები მაკა საბაშვილი და თამთა ჩიტალაძე სამუშაო ვიზიტით იმყოფებოდნენ ირლანდიაში, ქალაქ დუბლინში, ევროპის სტომატოლოგიური განათლების ასოციაციის (ADEE) ყოველწლიურ კონფერენციაზე.

აღნიშნულ კონფერენციაზე ქალბატონმა ელენემ საერთაშორისო კოლეგებთან ერთად, წარადგინა კვლევის შედეგები თემაზე “A.I. in Oral Health Education of Under and Postgraduate Dental Students”. გარდა ამისა, მან, როგორც ასოციაციის ბორდის წევრმა, უხელმძღვანელა სესიას, რომელიც ეხებოდა შეფასების მეთოდებს სტომატოლოგიურ განათლებაში.

აღსანიშნავია, რომ სტომატოლოგიის დეპარტამენტის აკადემიურმა პერსონალმა ასევე წარადგინა კვლევა სახელწოდებით - “Comparative Assessment of Infection Prevention and Control (IPC) Knowledge Between Transitional and Senior Dental Students”.