პროგრამის მიზანია ხელი შეუწყოს ქვეყნის განვითარებას, როგორც საშინაო, ასევე საგარეო პოლიტიკის განვითარების კუთხით და ამ მიზნის მისაღწევად აღზარდოს კვალიფიციური და მაღალი კომპეტენციის საერთაშორისო ურთიერთობების, დიპლომატიის სპეციალისტები აგრეთვე, პოლიტიკურად განათლებული, საზოგადოებრივად მოაზროვნე და აქტიური მოქალაქეები, რომელთა ცოდნაც დაფუძნებული იქნება დემოკრატიულ ღირებულებებზე.

სამაგისტრო პროგრამა საერთაშორისო ურთიერთობებში ამზადებს ფართო პროფილის საერთაშორისო ურთიერთობების სპეციალისტებს, რომლებიც იცნობენ გლობალური პოლიტიკის ძირითად თეორიულ მიდგომებს, აგრეთვე შეუძლიათ საერთაშორისო პოლიტიკაში არსებული ძირეული პრობლემების მათ შორის რეგიონალური და ტრანს-რეგიონალური პოლიტიკის განზოგადება და გააზრება. პროგრამის მიზანს ასევე წარმოადგენს სტუდენტთა ფუნდამენტური მომზადება საერთაშორისო ცხოვრებაში მიმდინარე ძირითადი ტენდენციებისა და მიდგომების შესასწავლად. კურსდამთავრებულები შესაძლებელია დასაქმდნენ საჯარო სამსახურში, საგარეო საქმეთა სამინისტროში, ევროპული და ევრო-ატლანტიკური ინტეგრაციის სახელმწიფო მინისტრის აპარატში, საქართველოს პარლამენტის სხვადასხვა კომიტეტებში, თავდაცვის სამინისტროში, ეროვნული უშიშროების საბჭოში, საერთაშორისო და არა-სამთავრობო ორგანიზაციებში წამყვან/მენეჯერულ პოზიციებზე.

პროგრამის დასრულების შემდეგ სტუდენტი:

• სისტემურად და სიღრმისეულად ხსნის  საერთაშორისო ურთიერთობების დარგის ისეთი სპეციფიური საკითხებს, როგორიცაა  საერთაშორისო სისტემის პროცესები და ტენდენციები, ძირითადი საერთაშორისო ორგანიზაციების ფუნქციონირების თავისებურებები, ენერგო პოლიტიკის და ენერგო უსაფრთხოების საკითხები ქვეყნის, რეგიონის და გლობალურ კონტექსტში, გლობალიზაციის თეორიები, საგარეო პოლიტიკის წინაშე არსებული გამოწვევები და საგარეო პოლიტიკის მოდელები (ფსიქოლოგიური და შემეცნებითი თეორიები) 

პროგრამის დასრულების შემდეგ სტუდენტი:

• ავტონმიურად ამუშავებს სამეცნიერო -პროფესიულ ლიტერატურას, კვლევებს, სტატიებს, მონოგრაფიებს მუდმივი პროფესიული განვითარების მიზნით;
• იცავს ეთიკურ და სამართლებლივ ნორმებს პროფესიული საქმიანობის პროცესში (როგორც ადგილობრივი, ასევე საერთაშორისო) და მხარს უჭერს ზოგადსაკაცობრიო ღირებულებებს (რელიგიური, ეთიკური, კულტურული, ტრადიციული, თანასწორუფლებიანობა ).  

პროგრამის დასრულების შემდეგ სტუდენტი:

• იყენებს აკადემიური კვლევის წარმოების, ისტორიულ, შედარებით და სტატისტიკურ მეთოდებს, დამოუკიდებლად; 
• იკვლევს საერთაშორისო ურთიერთობების წინაშე მდგარი გამოწვევების, კავკასიის გლობალური პოლიტიკის ჭრილში არსებული საკითხებს დამოუკიდებლად;
• ახდენს გადაწყვეტილებების ფორმულირებას მიმდინარე რთული პოლიტიკურ მოვლენების და სოციალურ-ეკონომიკური სიტუაციის შეფასებაზე დაყრდნობით;
• ამზადებს და წარადგენს საერთაშორისო ურთიერთობების თანამედროვე მიდგომებზე დაყრდნობით სხვადასხვა საკითხებზე სიღრმისეულ ანალიტიკურ ანგარიშებს;
• ამზადებს მოხსენებებს და წარადგენს პრეზენტაციას აკადემიურ და პროფესიულ დონეზე 
• ეფექტურად მონაწილეობს  და ერთვება დებატებში, დისკუსიებში და საჯარო განხილვებში (ქართულ და ინგლისურ ენებზე), წარადგენს ანაგარიშებს და მოხსენებებს წერითი და ზეპირი ფორმით, აკადემიურ და პროფესიულ დონეზე.