სამაგისტრო პროგრამის მიზანია ჩამოუყალიბოს სტუდენტს თანამედროვე ფილოლოგიის ძირითადი დარგების, მიმდინარეობების, თეორიების, აზროვნების პარადიგმების, ძირითადი თეორიული და მეთოდოლოგიური მიდგომების ადეკვატური ხედვა, რაც უზრუნველყოფს თანამედროვე ფილოლოგიის სააზროვნო სივრცის პოლიპარადგიმულობისა და ინტერდიციპლინარულობის გააზრების, თეორიის ექსპლონატორული პოტენციალისა და პრაქტიკული ღირებულების გაცნობიერების, ასევე თეორიული ცოდნის პრაქტიკაში ტრანსპოზიციის კომპეტენციას.
დასახული მიზანი მიიღწევა სასწავლო გეგმაში ინტეგრირებული თეორიული და პრაქტიკული (კვლევითი) კომპონენტების სინთეზით, რაც მნიშვნელოვნად აფართოებს პროგრამის კურსდამთავრებულთა კომპეტენციასა და ზრდის მათი წარმატების შანსებს როგორც ადგილობრივ, ისე საერთაშორისო შრომით ბაზარზე.
ითვალისწინებს რა, ერთი მხრივ, თანამედროვე ინგლისური ფილოლოგიის სააზროვნო სივრცის კომპლექსურობას, მეორე მხრივ კი, თანამედროვე შრომითი ბაზრის მოთხოვნებს, პროგრამა ორიენტირებულია ფილოლოგიის სააზროვნო სივრცისათვის შესაბამისი ეთიკის კომპეტენციის, თეორიული ცოდნისა და პრაქტიკული უნარების მქონე ინგლისურენოვანი კომუნიკატორის ჩამოყალიბებაზე.
აღნიშნულ მოთხოვნათა საპასუხოდ, სამაგისტრო პროგრამა ამზადებს სპეციალისტებს, რომლებიც შეძლებენ მნიშვნელოვანი წვლილის შეტანას კულტურათა დიალოგისა და საქართველოს ინგლისურენოვან ქვეყნებთან ინტეგრაციის პროცესში.

კურსდამთავრებული იცნობს:

• ლინგვისტურ მოძღვრებათა ისტორიას, თანამედროვე ლინგვისტიკის ძირითად დარგებს, ლინგვისტური აზროვნების პარადიგმებს, წესებს, პრინციპებსა და მეთოდებს;
• ინგლისური და ამერიკული ლიტერატურის ნიმუშთა ჟანრობრივ მახასიათებლებს, ტექსტის გრამატიკული, სინტაქსური, სტილისტიკური, ფილოსოფიურ-ჰერმენევტიკული, ლიტერატურათმცოდნეობითი და ინტეგრაციული პროცესირების არსს;
• ინფორმაციის ანალიზურ-სინთეზური დამუშავების პრინციპებსა და ეთიკური კოდის სპეციფიკას;
• ინგლისური ენის კომპეტენტური გამოყენებისათვის (C1) შესაბამისი სირთულის, ზეპირი და წერილობითი ტექსტის ლექსიკურ და სინტაქსურ თავისებურებებს.

აღწერს:

• ლინგვისტური აზროვნების დინამიკისა და თანამედროვე ლინგვისტიკაში არსებული პარადიგმული სიტუაციის თავისებურებებს;
• ინგლისური და ამერიკული ლიტერატურის ისტორიისა და განვითარების კანონზომიერებს.

კურსდამთავრებული:

• ახორციელებს მხატვრული ტექსტის გრამატიკულ, სინტაქსურ და სტილისტიკურ, ფილოსოფიურ-ჰერმენევტიკულ, ლიტერატურათმცოდნეობით და ინტეგრაციულ პროცესირებას;
• ახდენს ფილოლოგიის სააზროვნო სივრცისათვის რელევანტურ ძირითად თეორიულ და მეთოდოლოგიურ მიდგომათა სინთეზირებას სოციოლინგვისტურ და კონტრასტულ კვლევებში, ასევე მხატვრული ტექსტის ლინგვისტური ანალიზისას;
• აგებს სხვადასხვა კომუნიკაციური მიზანდასახულობისა და ფორმატის მქონე, ეფექტურად სტრუქტურირებულ წერილობით და ზეპირ ტექსტებს სპონტანურად, შეუფერხებლად ადეკვატური სტილის, ორგანიზაციული მოდელებისა და კოჰეზიური საშუალებების მიზნობრივი გამოყენებით;
• ფილოლოგიის სფეროსათვის რელევანტურ საკითხებზე არგუმენტირებული დასკვნის ჩამოყალიბების მიზნით იძიებს ინფორმაციას სხვადასხვა წყაროდან, ახდენს საკითხთა თანმიმდევრულად, ნათლად ფორმულირებასა და პრეზენტაციას როგორც სპეციალისტებთან (ფილოლოგები, ენის მასწავლებლები), ისე არასპეციალისტებთან (ფართო საზოგადოება) თანამედროვე საინფორმაციო და საკომუნიკაციო ტექნოლოგიების მიზნობრივი გამოყენებით.

კურსდამთავრებული:

• ითვისებს რა ფილოლოგიის კომპლექსურ, მულტიპარადიგმულ და მულტიდისციპლინარულ სივრცეს, იღებს პასუხისმგებლობას პროფესიულ განვითარებაზე მის მიერ ჩატარებული კვლევის მონაცემთა ანალოგიზაცია/კონტრასტირების, სინთეზირებისა და კვლევის შედეგების რეპრეზენტაციის, მის მიერ მომზადებულ ნაშრომებში (რეფერატი, პროექტი, სამაგისტრო ნაშრომი) აკადემიური პატიოსნების სტანდარტების დაცვის გზით.