პროგრამის მიზანია კურსდამთავრებულს შესძინოს ბიზნესის ადმინისტრირების სფეროს თანამედროვე და უახლეს ტენდენციებზე დაფუძნებული ღრმა და სისტემური ცოდნა, გაუღრმავოს აკადემიური კეთილსინდისიერების პრინციპებისა და სტანდარტების გამოყენებით კვლევის დამოუკიდებლად წარმართვის უნარი, ხელი შეუწყოს მისი ცოდნისა და პრაქტიკული უნარ-ჩვევების გაუმჯობესებას მენეჯერული გადაწყვეტილებების მისაღებად და გაუღრმავოს სოციალურ პასუხისმგებლობისა და კორპორატიული ეთიკის ნორმების/პრინციპების მნიშვნელობა იმისთვის, რომ კურსდამთავრებულმა იმუშაოს საშუალო და მაღალი რგოლის მენეჯერად, როგორც ადგილობრივ, ისე საერთაშორისო კომპანიებში. 

• სიღრმისეულად და სისტემურიად განიხილავს ბიზნესის მართვის სხვადასხვა ფუნქციონალურ მიმართულებებთან დაკავშირებულ თანამედროვე კონცეფციებს, მიდგომებს, თეორიებსა და მოდელებს
• ძირითადი მარკეტინგული კონცეფციების საშუალებით კრიტიკულად და არგუმენტირებულად მსჯელობს კომპანიის სტრატეგიული დაგეგმვის თავისებურებებზე, მარკეტინგული გეგმის კომპონენტებზე, მიზნობრივ ბაზრებზე, ფირმის პოზიციონირების საერთო სტრატეგიასა და კომპანიის საკომუნიკაციო საშუალებებზე
• საბუღალტრო კონცეფციების, დაშვებების და პრინციპების გათვალისწინებით აანალიზებს კომპანიის მომგებიანობას დანახარჯთაღრიცხვის საკითხების გამოყენების, ფინანსური უწყისების აგების,  ამ პროცესში ბუღალტრულ-ეთიკური პრინციპების დაცვის გზით 
• აანალიზებს ბიზნესის განვითარების შესაძლებლობებს, ტენდენციებს, კრიტიკულად და არგუმენტირებულად მსჯელობს ბიზნესის სტრატეგიებსა და მენეჯერული ეკონომიკის  საკვანძო საკითხებზე 
• გადაწყვეტილებების მიღებისას იყენებს რაოდენობრივი მეთოდების, სტატისტიკური მონაცემების ანალიზის, ინტერპრეტაციისა და ექსტრაპოლაციის მეთოდებს 
• დამოუკიდებლად წარმართავს კვლევას აკადემიური კეთილსინდისიერების პრინციპებისა და სტანდარტების გამოყენებით და წარადგენს (ზეპირი ან/და წერილობითი ფორმით) კვლევის შედეგებს, მიგნებებს, არგუმენტებს და დასკვნებს როგორც აკადემიური ასევე, პროფესიული საზოგადოებისთვის და დაინტერესებული მხარეებისთვის;
• იაზრებს მენეჯერული საქმიანობის პროცესში წარმოშობილ ეთიკურ საკითხებს
• აანალიზებს თავისუფალ საბაზრო სისტემაში ბიზნესზე გავლენის მქონე რისკებს
• დამოუკიდებლად განსაზღვრავს შემდგომი სწავლისა და განვითარების საჭიროებებს
• იზიარებს და აფასებს სოციალურ პასუხისმგებლობისა და კორპორატიული ეთიკის ნორმების/პრინციპების მნიშვნელობას;