საქართველოს უნივერსიტეტი საქართველოს ყველაზე მაღალრეიტინგული კერძო უნივერსიტეტია, საერთაშორისო აკადემიური რეიტინგების მიხედვით. უნივერსიტეტის საერთაშორისო აღიარება ეფუძნება არა ერთ კონკრეტულ მაჩვენებელს, არამედ რამდენიმე მნიშვნელოვან მიმართულებას - კვლევის ხარისხსა და გავლენას, აკადემიურ რეპუტაციას, საერთაშორისო ინტეგრაციას, ციფრულ ხილვადობას.
Nature Index-ის მონაცემებით, საქართველოს უნივერსიტეტი წელს საქართველოში პირველ პოზიციას იკავებს, ხოლო მსოფლიოში - #1716-ს. ინდექსი ყურადღებას ამახვილებს მაღალი ხარისხის სამეცნიერო კვლევებსა და საერთაშორისო სამეცნიერო პუბლიკაციებში უნივერსიტეტების წვლილზე.
საქართველოს უნივერსიტეტის მზარდ საერთაშორისო რეპუტაციას ასევე ასახავს QS World University Rankings. QS-ის წელს გამოქვეყნებულ, 2027 წლის რეიტინგებში საქართველოს უნივერსიტეტი #54 პოზიციაზეა დასავლეთ აზიის ქვერეგიონში, ევროპის მასშტაბით #591-600 პოზიციებს იყოფს, ხოლო მსოფლიო მასშტაბით - #1401-1504 ჯგუფშია. საქართველოდან სუ თსუ-ს შემდეგ მეორე პოზიციაზეა.
Webometrics Ranking of World Universities-ის 2026 წლის ივლისის მონაცემებით, საქართველოს უნივერსიტეტი მსოფლიოში #2859 პოზიციაზე გავიდა, რაც საქართველოში მესამე მაჩვენებელია, თსუ-სა და ილიაუნის შემდეგ. რეიტინგი უნივერსიტეტებს აფასებს მათი სამეცნიერო აქტივობის, ციფრული ხილვადობის, კვლევების ხარისხისა და გავლენის მიხედვით.
საქართველოს უნივერსიტეტი წელს ასევე საქართველოდან პირველია ესპანური SCIMago Institutions Rankings-ის მიხედვით, და ქვეყნის სამეულში შედის Unirank.org-ის მიხედვით.
ეს შედეგები საქართველოს უნივერსიტეტის განვითარების სხვადასხვა მხარეს ასახავს - კვლევის ხარისხს, საერთაშორისო გარემოს, აკადემიურ რეპუტაციას, სტუდენტთა მრავალფეროვნებასა და კურსდამთავრებულთა კონკურენტუნარიანობას.
საქართველოს უნივერსიტეტი დღეს არის უნივერსიტეტი, რომელიც აერთიანებს ხარისხიან განათლებას, კვლევას, პრაქტიკულ გამოცდილებასა და საერთაშორისო შესაძლებლობებს - იმისთვის, რომ სტუდენტმა შეძლოს არა მხოლოდ დღევანდელი მოთხოვნების შესაბამისი პროფესიის დაუფლება, არამედ მომავლის შესაძლებლობების შექმნაც.
