საქართველოს უნივერსიტეტის ხელოვნებისა და ჰუმანიტარულ მეცნიერებათა სკოლის ასოცირებული პროფესორი, ლევან ჭაბაშვილი გერმანიის არქეოლოგიის ინსტიტუტის წევრ-კორესპონდენტად აირჩიეს.
გერმანიის არქეოლოგიის ინსტიტუტი 1829 წელს დაარსებული სამეცნიერო ორგანიზაციაა, რომელიც მსოფლიოს მრავალ ქვეყანაში სამეცნიერო პროექტებს ახორციელებს.
წევრ-კორესპონდენტად არჩევა, გამოხატავს პატივისცემას იმ მეცნიერთა მიმართ, რომლებიც განსაკუთრებით მჭიდროდ თანამშრომლობენ ინსტიტუტთან. აღსანიშნავია, რომ საქართველოს უნივერსიტეტის ხელოვნებისა და ჰუმანიტარულ მეცნიერებათა სკოლის არქეოლოგიის, ანთროპოლოგიისა და ხელოვნებათმცოდნეობის დეპარტამენტი, 2020 წლიდან, აქტიურად თანამშრომლობს გერმანიის არქეოლოგიის ინსტიტუტთან .
საქართველოს უნივერსიტეტისა და გერმანიის არქეოლოგიის ინსტიტუტის თანამშრომლობა აერთიანებს როგორც აკადემიური პერსონალისთვის პროფესიულ განმავითარებელ შესაძლებლობებს, ასევე ერთობლივ კვლევებს, რომლის ნათელი მაგალითიცაა საქართველოს უნივერსიტეტის სამშვილდის არექოლოგიური ბაზა.
