ურთიერთთანამშრომლობის მემორანდუმი ჯორჯ ვაშინგტონის უნივერსიტეტსა და საქართველოს უნივერსიტეტს შორის

16 დეკემბერს ხელი მოეწერა ურთიერთთანამშრომლობის მემორანდუმს ჯორჯ ვაშინგტონის უნივერსიტეტსა და საქართველოს უნივერსიტეტს შორის.

საქართველოს უნივერსიტეტის ხელოვნებისა და ჰუმანიტარულ მეცნიერებათა სკოლა პირველია რეგიონში, რომელიც ჯორჯ ვაშინგტონის უნივერსიტეტთან ერთად შეიმუშავებს საერთო სამაგისტრო და სადოქტორო პროგრამებს აკადემიური მიმართულებით. ამასთან, თანამშრომლობის ფარგლებში იგეგმება საგანმანათლებლო აქტივობები, როგორც სტუდენტებისთვის, ასევე პროფესორ-მასწავლებლებისათვის:

• საზაფხულო სკოლები;
• კვლევითი პროექტები;
• მოკლე და გრძელვადიანი გაცვლითი პროგრამები.

აღსანიშნავია, რომ თანამშრომლობის ფარგლებში ყველა ამ ბენეფიტით, არამარტო საქართველოს უნივერსიტეტის ხელოვნებისა და ჰუმანიტარულ მეცნიერებათა სკოლის სტუდენტები/პროფესორები ისარგებლებენ, არამედ პროექტები და აქტივობები გათვალისწინებული იქნება საქართველოს უნივერსიტეტის სრულ კონტიგენტზე.