საქართველოს უნივერსიტეტის, თამაზ ბერაძის სახელობის ქართველოლოგიის ინსტიტუტის უფროსი მეცნიერ-თანამშრომლის, ნინო ჩიხლაძის, სტატია გამოქვეყნდა საერთაშორისო, მაღალრეიტინგულ, რეცენზირებად ჟურნალში „Iconographica - Studies in the History of Images“ (გამომცემლობა: SISMEL – Edizioni del Galluzzo, ფლორენცია, იტალია).
ჟურნალი „Iconographica“ ინდექსირებულია ავტორიტეტულ საერთაშორისო სამეცნიერო ბაზებში:
ნაშრომი, სათაურით „წმინდა ევგენიოს ტრაპიზონელის მონუმენტური გამოსახულებები როგორც XII–XIII საუკუნეების ქართული სახელმწიფოს პოლიტიკური ინტერესების ირიბი გზავნილი" ეძღვნება ქართული მონუმენტური მხატვრობის ერთ მნიშვნელოვან ასპექტს, ზოგადქრისტიანული თემების ეროვნულ იდენტობასთან დაკავშირებულ ინტერპრეტაციას.
კვლევაში გაანალიზებულია XII–XIII საუკუნეების იკონოგრაფიული და სტილისტური თავისებურებები, რომლებიც ასახავს სახელმწიფო ინტერესებსა და კონკრეტულ ისტორიულ რეალიებს.
განსაკუთრებული ყურადღება ეთმობა ვარძიის ღვთისმშობლის მიძინების ეკლესიის (1184–1185/6) საქტიტორო კომპოზიციას მეფეების გიორგი III-სა და თამარის გამოსახულებებით, რომელშიც ჩართულია ტრაპიზონის მხარის ლოკალური წმინდანის ევგენიოს ტრაპიზონელის შემორჩენილ გამოსახულებათაგან ყველაზე ადრეული ნიმუში.
ავტორის მოსაზრებით, ეს გამოსახულება კონკრეტული პოლიტიკური გზავნილის მატარებელია. აღსანიშნავია, რომ ვარძიის მხატვრობის შექმნიდან დაახლოებით 20 წლის შემდეგ წმინდა ევგენიოსი ტრაპიზონის იმპერიის მთავარ კულტად ყალიბდება.
სტატიის ბმული: https://www.mirabileweb.it/edgalluzzo/periodici/m/107
