19 მაისს, საქართველოს უნივერსიტეტში, სეტანტა სპორტის, სპორტული კომენტატორების შერჩევის ღონისძიება გაიმართა.
ყოველწლიურად, შერჩევითი პრინციპით, სეტანტა სპორტი, კერძო და სახელმწიფო უმაღლესი სასწავლებლების სტუდენტებში, სპორტული კომენტატორების შერჩევას ახორციელებს, სპორტის პოპულარიზაციისა და მხარდაჭერის ეგიდით.
ამჯერად, ეს შერჩევა, საქართველოს უნივერსიტეტში ჩატარდა, რომელიც სპორტში აქტიური ჩართულობით გამოირჩევა, როგორც სტუდენტური სპორტის მიმართულებით ასევე საქართველოს ჩემპიონატებში, გუნდური სპორტული მიღწევებით.
Აღნიშნული ღონისძიების ფარგლებში , საქართველოს უნივერსიტეტის სპორტისა და კულტურის დეპარტამენტის ორგანიზებით ჩატარდა შიდა საუნივერსიტეტო ჩემპიონატი "ტექბოლში" სადაც გამოვლინდნენ საპრიზო ადგილებზე გასული სტუდენტები, რომლებსაც გადაეცათ შესაბამისი ხარისხის მედლები და გამარჯვებულს - თასი.
საქართველოს უნივერსიტეტის სპორტისა და კულტურის დეპარტამენტის ორგანიზებით, უნივერსიტეტის ბაზაზე აქტიურად მიმდინარეობს ვარჯიშები სხვადასხვა სპორტულ სახეობებში, რაც თავის მხრივ სტუდენტებს საშუალებას აძლევს აქტიურად მიყვნენ ჯანსაღი ცხოვრების წესს და ამასთან უგულშემატკივრონ უნივერსიტეტს.
