2025 წლის 8 - 12 ნოემბერს, საქართველოს უნივერსიტეტის ჯანმრთელობის მეცნიერებების სკოლის საექთნო დეპარტამენტის წარმომადგენლებმა მონაწილეობა მიიღეს Sigma Nursing 48th Biennial Convention-ში, რომელიც ამერიკის შეერთებულ შტატებში, ქალაქ ინდიანაპოლისში (ინდიანა) გაიმართა.
კონვენციის ფარგლებში ჩვენი წარმომადგენლები სასესიო მოხსენებით წარდგნენ და საერთაშორისო პროფესიულ საზოგადოებას გააცნეს რუსთაველის ეროვნული ფონდის მიერ დაფინანსებული კვლევის შედეგები. პრეზენტაციას მოჰყვა ინტერაქციული დისკუსია, სადაც მონაწილეებმა განიხილეს კვლევის მნიშვნელობა, მეთოდოლოგია და მისი შესაძლო გამოყენება საექთნო პრაქტიკაში.
ღონისძიებაზე დასწრებამ ხელი შეუწყო მნიშვნელოვანი პროფესიული ურთიერთობების ჩამოყალიბებას, რომელიც გახდება საფუძველი ახალი კვლევითი პროექტების დაგეგმვისა და საერთაშორისო აკადემიური თანამშრომლობის კიდევ უფრო გაღრმავებისთვის.
