22 მაისს, საქართველოს უნივერსიტეტის სოციალურ მეცნიერებათა სკოლის უსაფრთხოების, პოლიტიკისა და ნაციონალიზმის კვლევის ცენტრმა (UGSPN) გამართა საჯარო დისკუსია თემაზე: „ჩაუქრობელი ნაპერწკალი: საქართველოს დამოუკიდებლობის გრძელი გზა."
საქართველოს დამოუკიდებლობის დღისადმი მიძღვნილ ღონისძიებაზე, დისკუსიის მიზანი, სხვადასხვა პროფესიული და აკადემიური პერსპექტივებიდან, მსჯელობა იყო, თუ რას ნიშნავს სინამდვილეში დამოუკიდებლობა და რას მოითხოვს ის ქართველებისგან. დისკუსია ფოკუსირდა ქართული წინააღმდეგობის განუწყვეტელ ჯაჭვზე - დამოუკიდებლობის მიღებიდან დამოუკიდებლობის აღდგენამდე და დღემდე.
როგორც ცნობილია, 1918 წლის 26 მაისს, გამოცხადდა საქართველოს დემოკრატიული რესპუბლიკა, რეგიონის ერთ-ერთი პირველი საპარლამენტო დემოკრატია და ის სახელმწიფოებრივი საფუძველი, რომელსაც ქართველები 1991 წელს დაუბრუნდნენ. თუმცა, საქართველოში, საბჭოთა ოკუპაციის შვიდი ათწლეულის განმავლობაშიც, დამოუკიდებლობის იდეას ცოცხლად ინახავდნენ. ამრიგად, დამოუკიდებლობის დღე განიხილება იმ საისტორიო ფაქტების ერთობლივ ნაწილად, რამაც საერთო სურათი შექმნა, წარსულიდან - დღემდე.
დისკუსიის ფარგლებში განიხილეს დამოუკიდებლობისთვის ყოველი თაობის მათეული ბრძოლის მეთოდები და არსებული, თანამედროვე პერსოპექტივები 26 მაისის, როგორც დამოუკიდებლობის დღისადმი - შინაარსის ირგვლივ.
შეხვედრის მოდერატორი იყო: კონსტანტინე თოფურია — საქართველოს უნივერსიტეტის რექტორი. მომხსენებელთა რიგებში კი იყვნენ:
