დავით ბოჭორიშვილი არის გამოცდილი პრაქტიკოსი არქიტექტორი, რომელმაც არქიტექტურის ბაკალავრისა და მაგისტრის ხარისხი მიიღო თბილისის სახელმწიფო სამხატვრო აკადემია-ში.
მისი პროფესიული კარიერა მოიცავს დიზაინ დეველოპმენტს, სქემატურ დიზაინს, სამშენებლო დოკუმენტაციის მიმართულებას, ასევე შენობა-ნაგებობების უსაფრთხოებისა და მისაწვდომობის მიმართულებით ექსპერტულ საქმიანობას. სხვადასხვა პერიოდში ის მუშაობდა კომპანიებში: „მეტრიკი“, „გრადა“, „იკორთა 2007“ და „ედიფიცე არტ“, სადაც მონაწილეობდა როგორც ინდივიდუალური საცხოვრებელი სახლების, ისე ფართომასშტაბიანი მრავალფუნქციური შენობა-ნაგებობების პროექტირებასა და მათი დეტალური დიზაინის შემუშავებაში.
არქიტექტურულ საქმიანობასთან ერთად, დავითი არის ავეჯის დიზაინის სტუდია „დაჯეს“-ის დამფუძნებელი. აღნიშნული სტარტაპით იგი არაერთხელ წარმოადგენდა საქართველოს საერთაშორისო ბიზნეს და სტარტაპ-კონფერენციებზე — Creative Business Cup-სა და Latitude 59-ზე.
პროფესიული პრაქტიკის გარდა, მას აქვს პედაგოგიური გამოცდილებაც: იგი მუშაობდა IT Academy Step-ში, სადაც ასწავლიდა ინტერიერის დიზაინის თეორიასა და პრაქტიკას.
