მარინე ჯიმუხაძე - საქართველოს უნივერსიტეტის ჯანმრთელობის მეცნიერებათა და
საზოგადოებრივი ჯანდაცვის სკოლის საექთნო დეპარტამენტის თანამშრომელი 2012
წლიდან. უძღვება სალექციო კურსებს და კლინიკურ პრაქტიკას საბაკალავრო
სწავლების საფეხურზე. მას აქვს სხვადასხვა სასწავლო სამედიცინო
დაწესებულებებში მუშაობის მდიდარი პედაგოგიური გამოცდილება. მუშაობდა
პედიატრად და ოჯახის ექიმად. იგი აქტიურად მონაწილეობდა სასწავლო
პროგრამებისა და კურიკულუმების, პროტოკოლებისა და გაიდლაინების
შემუშავებაში და მოდიფიკაციაში სტუდენტების, ექთნებისა და ოჯახის
ექიმებისათვის. მონაწილეობდა სხვადასხვა ადგილობრივ და საერთაშორისო
სამედიცინო პროექტების განხორციელებაში. ჰყავს მეუღლე და ერთი შვილი.