ნათია გვენეტაძე - მოწვეული ლექტორი - უძღვება ომი, მშვიდობა და უსაფრთხოების პოლიტიკის კურსს. მას აქვს მაგისტრის ხარისხი მიღებული საერთაშორისო უსაფრთხოება და სტრატეგიაში King’s College London უნივერსიტეტიდან (დიდი ბრიტანეთი) და სოციალური მეცნიერების მაგისტრის ხარისხი შავი ზღვის საერთაშორისო უნივერსიტეტიდან. ამჟამად იგი არის კონფლიქტების ანალიზისა და მართვის დოქტორანტი ივ. ჯავახიშვილის სახელობის თბილისის სახელმწიფო უნივერსიტეტში. ნათია გვენეტაძეს ასევე დამთავრებული აქვს დიდი ბრიტანეთის თავდაცვის სწავლებების სამეფო კოლეჯის სტრატეგიული დონის კურსი და ბალტიის თავდაცვის კოლეჯის უმაღლესი სამეთაურო სასწავლო კურსი. ნათია გვენეტაძე 2005 წლიდან მუშაობს საქართველოს თავდაცვის სამინისტროში. 2017 წლიდან იგი ხელმძღვანელობს პროფესიული და ინსტიტუციური განვითარების დეპარტამენტს თავდაცვის ინსტიტუციური აღმშენებლობის სკოლაში.
