3 აპრილს ჩატარდა ევან ლოუსონის საჯარო ლექცია თემაზე ,,კონფლიქტი კიბერსივრცეში".

თავდაცვისა და უსაფრთხოების კვლევების გაერთიანებული სამსახურების სამეფო ინსტიტუტი (RUSI) არის დიდი ბრიტანეთისა და ჩრდილოეთ ირლანდიის გაერთიანებული სამეფოს დედოფალ ელისაბედ მეორის პატრონაჟის ქვეშ მყოფი, თავდაცვისა და უსაფრთხოების სფეროში მსოფლიოს უძველესი და ერთ-ერთი ყველაზე პრესტიჟული და გავლენიანი კვლევითი ინსტიტუტი.
RUSI დაარსდა 1931 წელს ჰერცოგი ველინგტონის მიერ და მას შემდეგ სარგებლობს საუკეთესო რეპუტაციით, მისი ვიცე-პრეზიდენტია გენერალი დევიდ პეტრიუსი, ხოლო თავმჯდომარე ბრიტანეთის საგარეო საქმეთა ყოფილი მინისტრი ლორდი უილიამ ჰეიგი.
RUSI არის წამყვანი პლატფორმა მსოფლიო ლიდერეთათვის. ინსტიტუტის მკვლევარები არიან საუკეთესო, მსოფლიოში ცნობილი დარგობრივი ექსპერტები, რომლებთანაც აქტიურად თანამშრომლობს როგორც ბრიტანეთის თავდაცვის სამინისტრო, ისე სხვა უწყებები.