5 თებერვალს, საქართველოს უნივერსიტეტის თელავის რეგიონულ ოფისში პროექტის "ბულინგთან ბრძოლა და მისი პრევენციის გზები საჯარო სივრცეში“ პრეზენტაცია გაიმართება.

პროექტი შემეცნებითი ხასიათისაა და ითვალისწინებს VIII-XII კლასის მოსწავლეებში ცნობადობის ამაღლებას, სამოქალაქო განათლებისა და ფსიქოლოგიის საწყისებთან გაცნობას.
პროექტი საქართველოს უნივერსიტეტთან არსებული ადამიანის უფლებების კვლევითი ცენტრის HRRC- Human Rights Research Centre-ის მიერ გამოცხადებული საგრანტო კონკურსის ფარგლებში ხორციელდება, რომლის გამარჯვებულიც საქართველოს უნივერსიტეტის სამართლის სკოლის სტუდენტი ქეთევან ხორავა გახდა.

აღსანიშნავია, რომ პროექტს უმასპინძლებს საქართველოს უნივერსიტეტის რეგიონული ოფისები, რომლებიც ქვეყნის 7 დიდ ქალაქშია განთავსებული.

შეხვედრაზე დასასწრებად გთხოვთ, შეავსოთ სარეგისტრაციო ფორმა - https://goo.gl/jTxkUU

ადგილების რაოდენობა შეზღუდულია.

დამატებითი ინფორმაციისთვის დაგვიკავშირდით: 591 842284

თარიღი: 05.02.2019
დრო: 14:00 სთ
ადგილი: ქ. თელავი, სააკაძის მოედანი 2