20 – 21 დეკემბერს, საქართველოს უნივერსიტეტი კიბერ ჰაკათონს უმასპინძლებს. ორგანიზატორები არიან: საქართველოს იუსტიციის სამინისტროს სსიპ „მონაცემთა გაცვლის სააგენტოს“ კომპიუტერულ ინციდენტებზე სწრაფი დახმარების ჯგუფი (CERT-GOV-GE), არაკომერციულ ორგანიზაცია „OWASP“ და „საქართველოს უნივერსიტეტი“.

ჰაკათონის ფარგლებში მონაწილეები ვებ-აპლიკაციებზე და კიბერუსაფრთხოებაზე დაფუძნებულ ღია კოდის მქონე უსაფრთხოების პროგრამებს შექმნიან. კიბერჰაკათონში მონაწილეობის მიღება შეუძლია ყველა დაინტერესებულ პირს, რომელსაც გააჩნია სურვილი და იდეა შექმნას კიბერუსაფრთხოების თემატიკასთან დაკავშირებული პროდუქტი.

ღონისძიებაზე წარმოდგენილი იქნებიან შემდეგი კომპანიები:

• საქართველოს თავდაცვის სამინისტრო;
• თიბისი ბანკი;
• საქართველოს ბანკი;
• ფინკა ბანკი;
• ვითიბი ბანკი;
• ლიბერთი ბანკი;
• Cloud9;

კიბერჰაკათონში მონაწილეობის მიღების მსურველებმა უნდა ჩამოაყალიბონ მაქსიმუმ 3 წევრისგან შემდგარი გუნდი და წარმოადგინონ შესაბამისი პროექტი 21 დეკემბერს. გუნდი შეიძლება ასევე შედგებოდეს 1 ან 2 მონაწილისგან.

ჰაკათონის მონაწილეებს საშუალება მიეცემათ თავიანთი ცოდნა პრაქტიკულ გარემოში, კონკრეტული პროგრამების შექმნის პროცესში გამოსცადონ.

ჰაკათონის დასასრულს კომპეტენტური ჟიური, რომლის შემადგენლობაშიც არიან როგორც საჯარო, ისე კერძო და საგანმანათლებლო სექტორის დარგის სპეციალისტები, საპრიზო ადგილებზე გასულ მონაწილეებს გამოავლენენ და გადასცემენ პრიზებს.

იხილეთ ჟიურის წევრების ჩამონათვალი:

• ირაკლი გვენეტაძე- მსოფლიო ბანკის ექსპერტი კიბერ უსაფრთხოების  და E-Governance-ის კუთხით;
• დავით ცქიტიშვილი- OWASP თბილისის ექსპერტი კიბერ უსაფრთხოების კუთხით.

დეტალური ინფორმაციის მისაღებად და რეგისტრაციის გასავლელად გთხოვთ ეწვიეთ ბმულს.

რეგისტრაცია გაგრძელდება 19 დეკემბრამბდე.

კიბერჰაკათონზე დასწრება ნებისმიერი მსურველისთვის უფასოა.

თარიღი: 20.12.2019-21.12.2019

დრო: 10:00 სთ

ადგილი: საქართველოს უნივერსიტეტი, IV კორპუსი, საკონფერენციო დარბაზი #519