ანონსები
საქართველოს უნივერსიტეტის თემატური ღია კარის დღის სერია გრძელდება. 9 ივნისს საქართველოს უნივერსიტეტის დემოკრატიული ღია კარის დღე გაიმართება, სადაც დემო კონსტიტუციის ვორქშოფი ჩატარდება. ყველა მაღალი კლასის მოსწავლეს, მთელი საქართველოს მასშტაბით, შესაძლებლობა აქვს მონაწილეობა მიიღოს შემეცნებით და ინტერაქტიულ პროექტში, რომლის მიზანი მოსწავლეებში კონსტიტუციის მნიშვნელობის, ადამიანთა უფლებებისა და მოქალაქეობრივი როლის უკეთ გააზრებაა.
პროექტი განკუთვნილია მათთვის, ვისაც აინტერესებს როგორ იქმნება კონსტიტუცია, სურს იყოს წარმოსახვითი ქვეყნის დამფუძნებელი და შექმნას საკუთარი კონსტიტუციის დემო ვერსია. მოსწავლეები ჩაერთვებიან უნიკალურ სიმულაციაში, სადაც შესაძლებლობა ექნებათ თანატოლებთან ერთად შექმნან, წარადგინონ და იმსჯელონ ქვეყნის მმართველობის ფორმებზე, ადამიანის უფლებებზე და დემოკრატიაზე. პროექტის მონაწილეებს დემო კონსტიტუციის შექმნაში კონსულტაციას უნივერსიტეტის პროფესორები და სტუდენტები გაუწევენ.
პროექტი კამპანიის „როგორი საქართველოს უნივერსიტეტი“ ფარგლებში ხორციელდება და უნივერსიტეტის სამართლის სკოლის წარმომადგენლების ორგანიზებით იმართება.
პროექტი 3 დღის განმავლობაში ჩატარდება და რამდენიმე ეტაპს მოიცავს:
პროექტის გამარჯვებული გუნდის ყველა მონაწილე სპეციალურ პრიზებს მიიღებს, ჟიური ასევე გამოავლენს პროექტის საუკეთესო ორ მონაწილეს და მათაც დააჯილდოებს. პროექტზე რეგისტრირებულ ყველა მოსწავლეს საქართველოს უნივერსიტეტისგან სამახსოვრო საჩუქრები ელის.
პროექტში მონაწილეთა რაოდენობა შეზღუდულია – შეირჩევა მხოლოდ 30 მონაწილე!
პროექტზე რეგისტრაციის ბმული:https://docs.google.com/forms/d/e/1FAIpQLSfpVqttVcbARIQxP-1oY0FzRbOSuHUKovjsCs54YyS267QvrA/viewform
