20 თებერვალს, საქართველოს უნივერსიტეტის გურიაში მდებარე, ლანჩხუთის რეგიონული ოფისი უმასპინძლებს პროექტის პრეზენტაციას- „ბულინგთან ბრძოლა და მისი პრევენციის გზები საჯარო სივრცეში“, რომელიც ადამიანის უფლებების კვლევით ცენტრთან და ინტელექტისა და განათლების საერთაშორისო სკოლა-აიესაისთან თანამშრომლობით ხორციელდება.

პროექტი შემეცნებითი ხასიათისაა და ითვალისწინებს მხოლოდ VIII-დან XII კლასის ჩათვლით მოსწავლეებში ცნობადობის ამაღლებას, სამოქალაქო განათლებისა და ფსიქოლოგიის საწყისებთან გაცნობას.

პროექტი საქართველოს უნივერსიტეტთან არსებული ადამიანის უფლებების კვლევითი ცენტრის (HRRC) მიერ გამოცხადებული საგრანტო კონკურსის ფარგლებში ხორციელდება, რომლის გამარჯვებულიც საქართველოს უნივერსიტეტის სამართლის სკოლის სტუდენტი ქეთევან ხორავა გახდა.

შეხვედრაზე დასასწრებად, გთხოვთ შეავსოთ სარეგისტრაციო ფორმა- https://docs.google.com/forms/d/1zi7AB6az4IbcrrUT1OmGmZsTnKCrODrXBIaG1bO7hDI/viewform?edit_requested=true

ადგილების რაოდენობა შეზღუდულია.

თარიღი: 20.02.2019

დრო: 14:00 სთ

ადგილი: ლანჩხუთი, ნინოშვილის 60