4-8 მარტს, საქართველოს უნივერსიტეტი უმასპინძლებს ერთ-ერთ ყველაზე გავლენიან სამართლის სკოლების საერთაშორისო კონკურსს მედიაციაში ((International Law School Mediation Tournament (ILSMT)). კონკურსის მიმწოდებელი საერთაშორისო ბაზარზე არის  ამერიკული ორგანიზაცია: International Academy of Dispute Resolution (INADR) და მასში ყოველწლიურად მონაწილეობს 20-ზე მეტი ქვეყნის წამყვანი უნივერსიტეტების მედიაციის გუნდები. 

ამ კონკურსის მასპინძლობა შესაძლებლობაა არა მხოლოდ UG-თვის, არამედ ფართოდ საქართველოს აკადემიური, საკონსულტაციო - იურიდიული ბაზრისთვის. გარდა წარმატებული სტუდენტების ჩამოსვლისა, კონკურსის ფარგლებში ქვეყანაში ჩამოდიან დავის ალტერნატიული გადაწყვეტის მაღალი დონის პროფესიონალები ე.წ. მწვრთნელები (Team Coaches - Professional Mediators)  და მსაჯები (Judges - Legal Professionals), რომლებიც ქმნიან მძლავრ პლატფორმას კავშირების გაფართოებისა და საუკეთესო კადრების შერჩევისთვის.