საქართველოს უნივერსიტეტი სტუდენტებისთვის და სკოლის მოსწავლეებისთვის, მთელი ქვეყნის მასშტაბით, აცხადებს მორიგ ლიტერატურულ კონკურსს "ფოლიო" 2024.

უნივერსიტეტი აგრძელებს ტრადიციას და მხარს უჭერს ახალგაზრდებში კრეატიული წერითი უნარ-ჩვევების განვითარებას. ლიტერატურული კონკურსის მიზანი წერის კულტურის ამაღლებაა.

წელს, საქართველოს უნივერსიტეტმა მთავარ თემად აარჩია: "მერცხალი რომ კიდეც მოჰკლა, მაინც მოვა გაზაფხული"

კონკურსის მონაწილეებმა უნდა გადმოაგზავნონ  პროზაული ნაწარმოები.

კონკურსის პირობები:

•  კონკურსში მონაწილეობის მიღება შეუძლიათ ნებისმიერი უნივერსიტეტის სტუდენტებს და სკოლის მე-11/მე-12 კლასის მოსწავლეებს;

•  ნაშრომი წარმოდგენილი უნდა იყოს ქართულ ან ინგლისურ ენაზე;

• ტექსტი უნდა იყოს A4 ფორმატში, Sylfaen 11- იანი შრიფტით, სტრიქონებს შორის დაშორება 1,5 და ტექსტის მოცულობა 1-დან 3 გვერდამდე;

• თავფურცელზე უნდა იყოს მითითებული კონკურსანტის მონაცემები: სახელი, გვარი, ასაკი, ტელეფონის ნომერი, სკოლის ან უნივერსიტეტის დასახელება, კურსი/კლასი და ელექტრონული ფოსტა.

შეფასების კრიტერიუმები:

•  ორიგინალურობა
•  შემოქმედებითობა
• ლაკონიურობა

ნამუშევრების ატვირთვა შესაძლებელია 2024 წლის 31 მაისიდან 16 ივნისის  ჩათვლით ბმულზე: https://ug.edu.ge/public/folio

გამარჯვებულებს გადაეცემათ ფულადი ჯილდო.  

პირველ ადგილზე გასული მონაწილე მიიღებს: 1500 ლარს 

მეორე ადგილზე გასული მონაწილე მიიღებს: 1000 ლარს

მესამე ადგილზე გასული მონაწილე მიიღებს: 500 ლარს 

კონკურსის მონაწილეებს გადაეცემათ სერტიფიკატები.