22-25 მაისს, საქართველოს უნივერსიტეტის სამართლის სკოლა იტალიაში, ქ.ფლორენციაში მიემგზავრება სადაც, გერმანიის საერთაშორისო თანამშრომლობის საზოგადოების პროგრამის ღონისძიებაში-  „ევროპულ სტანდარტებთან სამხრეთ კავკასიის დაახლოება“ მიიღებს მონაწილეობას.

სამუშაო შეხვერდა „მომხმარებლის უფლებების დაცვის შესახებ“ საქართველოს კანონპროექტზე განხორციელებული რეგულირების შეფასებების განხილვას დაეთმობა.

სამუშაო შეხვერდა RIA+-ის განხორციელების პროცესში ჩართული საერთაშორისო ექსპერტის ჰანს მიკლიცის ინიციატივითა და სამართლის პროგრამის ხელშეწყობით ხორციელდება. შეხვედრის მიზანია RIA+-ის ანგარიშის, როგორც სტრუქტურული, ისე შინაარსობრივი სრულყოფა და ეკონომიკური გავლენების შესახებ მსჯელობა.

სამუშაო ვიზიტში საქართველოს უნივერსიტეტიდან სამართლის სკოლის დეკანი ანა ხურციძე და ასოცირებული პროფესორები - ნატა სტურუა და გაიოზ ჯაფარიძე მიიღებენ მონაწილეობას.