სტუდენტური პროექტების კონკურსი - საქართველოს უნივერსიტეტში, მეცნიერებისა და ტექნოლოგიების სკოლის ორგანიზებით ეწყობა. კონკურსის მიზანია გამოავლინოს წლის საუკეთესო იდეა ან პროექტი ტექნოლოგიების ან მეცნიერების სფეროს მიმართულებით.

კონკურსში მონაწილეობის მისაღებად გუნდი ან პიროვნება არეგისტრირებს იდეას, რომელზე მუშაობისთვისაც ეძლევა 2 თვე. პროექტზე მუშაობისას გუნდს/პიროვნებას კონსულტაციას გაუწევს მენტორი, ტექნოლოგიების სკოლის აკადემიური პერსონალიდან.

პროექტზე მუშაობის ვადის გასვლის შემდეგ დაჯილდოვების ცერემონიალზე გამოცხადდება 3 გამარჯვებული, რომლებსაც წინასწარ განსაზღვრული კრიტერიუმების მიხედვით ჟიური აარჩევს.

რეგისტრაციის დაწყების თარიღი 21 თებერვალი | 21:00 საათი;
რეგისტრაციის დასასრული 20 მარტი | 13:00 საათი;
გუნდში მონაწილეთა მაქსიმალური რაოდენობა - 4;

მონაწილეობისთვის გთხოვთ გაიაროთ რეგისტრაცია - https://cutt.ly/oPIurhc