27 აპრილს არჩილ თალაკვაძე საქართველოს უნივერსიტეტის სტუდენტებს შეხვდა. საპარლამენტო უმრავლესობის ლიდერმა მათ საგზაო მოძრაობის უსაფრთხოების სფეროში ახალი საკანონმდებლო პაკეტი გააცნო და ამ ცვლილებების ამოქმედების მექანიზმებზე ესაუბრა.

"საგზაო მოძრაობის უსაფრთხოების ახალი საკანონმდებლო პაკეტი არის მძღოლების, მგზავრების და ქვეითების - მთელი საზოგადოების ინტერესებში. ამიტომაც, შინაგან საქმეთა მინისტრის, გიორგი მღებრიშვილის შემოთავაზებულმა რეფორმამ პარლამენტში ერთიანი მხარდაჭერა მიიღო" - განაცხადა არჩილ თალაკვაძემ.

საგზაო მოძრაობის უსაფრთხოების კანონმდებლობაში ცვლილებები პარლამენტმა სამი მოსმენით 21 აპრილს დაამტკიცა. ცვლილებები ძალაში პირველი ივლისიდან შევა.