საქართველოს უნივერსიტეტში, საქართველოში ბრაზილიის ელჩის, ოსვალდო ბიატო ჟუნიორის საჯარო ლექცია „ბრაზილიის როლი 21-ე საუკუნეში“ გაიმართა. შეხვედრის დასასრულს ბატონმა ელჩმა, სტუდენტების და უნივერსიტეტის თანამშრომლების კითხვებს უპასუხა, განიხილეს საქართველოსა და ბრაზილიის, არსებული და სამომავლო თანამშრომლობის დეტალები.

ბატონი ოსვალდო ბიატო ჯუნიორი საქართველოს უნივერსიტეტის რექტორს, კონსტანტინე თოფურიას შეხვდა. არაფორმალური  შეხვედრისას გაჟღერდა დაინტერესება, უნივერსიტეტში ჩატარდეს პორტუგალიური ენის საერთაშორისო დღისადმი მიძღვნილი ღონისძიება. 

აღსანიშნავია, რომ შეხვედრას ესწრებოდნენ პორტუგალიური ენის ცენტრის Camões წარმომადგენლები, რომელთა მხრიდანაც გამოითქვა დაინტერესება, საქართველოს უნივერსიტეტთან სამომავლო თანამშრომლობის შესაძლებლობებზე. 

საქართველოს უნივერსიტეტი მადლობას უხდის, ბატონ ელჩს და ბრაზილიის საელჩოს - საქართველოში, თანამშრომლობისათვის.