ქალი მეწარმეების ხელშესაწყობად საქართველოს უნივერსიტეტის ინოვაციების ცენტრი UG Startup Factory საქართველოს უნივერსიტეტის პირველი, მეორე, მესამე და მეოთხე კურსის სტუდენტებისთვის აცხადებს 2 კვირიან პროგრამას “BusinessWomen”, რომლის ფარგლებშიც მონაწილეებს ექნებათ საშუალება შეისწავლონ მსოფლიოში ყველაზე წარმატებული ბიზნესის შექმნის პრინციპები.
პროგრამა მოიცავს პრაქტიკულ და თეორიულ ნაწილს, რომლის ფარგლებშიც გამოცდილი ტრენერები და მენტორები მონაწილეებს დაეხმარებიან, შექმნან საკუთარი ბიზნესი.
პროექტი მოიცავს შემდეგ ეტაპებს:

·         მსოფლიოში არსებული პრობლემების გამოყენება ბიზნესის დასაწყებად;

·         პრობლემის გადაწყვეტა და მომხმარებლისთვის საინტერესო პროდუქტის/მომსახურების შექმნა;

·         სწორი ბიზნესმოდელის ჩამოყალიბება პროდუქტის/მომსახურების გასაყიდად;

·         პრეზენტაციის მომზადება ინვესტორისთვის;

·         დემო დღე - პრეზენტაციები აუდიტორიის წინაშე.

ტრენინგებზე დასასწრებად  გაიარეთ რეგისტრაცია მითითებულ ბმულზე: http://bit.ly/2ksB0WE

რეგისტრაცია მიმდინარეობს 9 სექტემბერიდან 24 სექტემბერის ჩათვლით.