სიახლეები
საქართველოს უნივერისტეტის მედიცინის ერთსაფეხურიანი ინგლისურენოვანი პროგრამის სტუდენტმა - ნასსიმ საიდმა (1802142) ჯანმრთელობის მეცნიერებების სკოლის ხელშეწყობით, წარმატებით გაიარა კლინიკური როტაციები ამერიკის შეერთებული შტატებში, ბრუკლინში, ონკოლოგია-ჰემატოლოგიის და გასტროენტეროლოგიის მიმართულებით, რომელიც ჩატარდა კლინიკური როტაციების ორგანიზაციის Brooklyn OSCE-ს მიერ.
როტაციის განმავლობაში სტუდენტს საშუალება ჰქონდა ემუშავა პაციენტების დიდ რაოდენობასთან. იგი აქტიურად მონაწილეობდა პაციენტის დიაგნოსტირების პროცესში, განიმტკიცა პაციენტების ისტორიის დოკუმენტების წარმოების უნარი და სპეციფიკა, გაეცნო აშშ-ს ჯანდაცვის სისტემას და სხვა.
ჯანმრთელობის მეცნიერებების სკოლა ულოცავს სტუდენტს და უსურვებს კიდევ უფრო მეტ წარმატებას. ჩვენ დარწმუნებული ვართ, რომ ეს გამოცდილება დიდწილად ხელს შეუწყობს მის მომავალ წარმატებულ საექიმო კარიერას.
