17 თებერვალს, საქართველოს უნივერსიტეტის მეცნიერებისა და ტექნოლოგიების სკოლამ პროფესიული განვითარების ცენტრ- “UG-PriEd”-თან ერთად მათემატიკის პედაგოგთა კონფერენცია გამართა.

კონფერენციას ესწრებოდნენ პედაგოგები თბილისის 100-მდე სკოლიდან. ღონისძიების მონაწილეებისთვის მოეწყო საქართველოს უნივერსიტეტის პროფესორთა მიერ შედგენილი მე-5 და მე-6 კლასის გრიფირებული სახელმძღვანელოს პრეზენტაცია.

ასევე გაიმართა ვორქშოპი შემდეგ თემებზე:

* მათემატიკური შეცდომების ზოგადი მიზეზები და მათი გამოსწორების გზები კონტრუქტივისტული მიდგომის გამოყენებით;

* დიფერენცირებული სწავლების არსი და ეფექტური სასწავლო აქტივობების დაგეგმვა;

* გაკვეთილის დაგეგმვა სწავლების სამფაზიანი მოდელის მიხედვით:

* მოსწავლეზე ორიენტირებული სწავლების საფუძვლები და განმავითარებელი შეფასება.