ენრი აბულაძე, საქართველოს უნივერსიტეტის სამართლის სკოლის კურსდამთავრებული 

"საქართველოს უნივერსიტეტში სამართლის საბაკალავრო პროგრამაზე 2016 წელს ჩავაბარე. სწავლების ამ საფეხურზევე უნივერსიტეტის მხრიდან მომეცა შესაძლებლობა მონაწილეობა მიმეღო არაერთ საერთაშორისო მედიაციის შეჯიბრში და პროფესიული უნარ-ჩვევები განმევითარებინა უნივერსიტეტის იურიდიული დახმარების ცენტრში.

სტუდენტებისთვის ახალი შესაძლებლობების შექმნის თვალსაზრისით უნივერსიტეტის მხრიდან აქტიური ჩართულობა, გამორჩეულ სასწავლო პროგრამასთან ერთად, გახდა საფუძველი იმისა, რომ სწავლა მაგისტრატურის ეტაპზე საქართველოს უნივერსიტეტში, საერთაშორისო ბიზნეს სამართლის პროგრამაზე გამეგრძელებინა. 

მაგისტრატურაზე უნივერსიტეტისგან კიდევ ერთხელ მომეცა შეუდარებელი შესაძლებლობა, მეასპარეზა საერთაშორისო დონეზე ვილემ ვისის სახელობის საერთაშორისო კომერციული არბიტრაჟის იმიტირებულ პროცესებში. 

უნივერსიტეტიდან და საერთაშორისო შეჯიბრებებიდან შეძენილი ცოდნა და გამოცდილება კარიერულ წინსვლაშიც დამეხმარა. ამჟამად დასაქმებული ვარ ერთ-ერთ გამორჩეულ იურიდიულ ფირმა GLCC-ში, სადაც პროფესიონალებით დაკომპლექტებულ გუნდთან ერთად საქმიანობის შესაძლებლობა მაქვს."

Our graduate Enri Abuladze on his experience as MA student of UG School of Law.