2017 წლის 22 თებერვალს საქართველოს უნივერსიტეტის ჰუმანიტარულ მეცნიერებათა სკოლის ისტორიის დეპარტამენტის პროფესორის - თამარ ქორიძის ორგანიზებით მის კურსზე („საქართველოს ისტორია უძველესი დროიდან XVI საუკუნემდე“) დარეგისტრირებული სტუდენტები ეწვივნენ კ.კეკელიძის სახელობის ხელნაწერთა ეროვნულ ცენტრს, სადაც დაათვალიერეს 1921 წლის თებერვალში საბჭოთა რუსეთის მიერ საქართველოს დემოკრატიული რესპუბლიკის ოკუპაციისისადმი მიძღვნილი გამოფენა „სიმართლე თებერვალზე“.

გამოფენა აგებულია ოკუპაციის შემდეგ საზღვარგარეთ ემიგრირებული ქართველების: გიორგი კვინიტაძის, თამარ და აკაკი პაპავების, ნინო და კალისტრატე სალიების და სხვ. საარქივო მასალების საფუძველზე. სტუდენტებმა მოისმინეს საზოგადოებისათვის დღემდე უცნობი აუდიო მასალა - კარლო ინასარიძის არქივში დაცული რადიო „თავისუფლების“ ჩანაწერები 25 თებერვლის შესახებ.