სიახლეები
12 მაისს საქართველოს პაროდონტოლოგთა ასოციაცია GeoPerio-ს ორგანიზებით აღინიშნა ჯანმრთელი ღრძილის საერთაშორისო დღე, სადაც, სხვა კლინიკებთან ერთად, წარმოდგენილი იყო საქართველოს უნივერსიტეტის სტომატოლოგიური კლინიკა „იუჯი დენტი“.
ღონისძიებაში აქტიური მონაწილეობა მიიღეს ჯანმრთელობის მეცნიერებების სკოლის სტომატოლოგიის დეპარტამენტის ექიმმა სტომატოლოგებმა, პროფესორებმა და საერთაშორისო სტუდენტებმა.
პირის ღრუს ჯანმრთელობის შესახებ საზოგადოებაში ცნობიერების ამაღლება განხორციელდა შემეცნებით-გასართობ ვითარებაში და ყველა სტუმარს გადაეცა თემატური სამახსოვრო საჩუქარი.
