25-27 ივნისს საქართველოს უნივერსიტეტის ჯანმრთელობის მეცნიერებების სკოლის დირექტორი თამარ ლობჯანიძე, სიმულაციური ჰოსპიტალის ხელმძღვანელი ხათუნა ჯოჯუა და OSCE-ის ხელმძღვანელი ანი ნაყოფია ყოველწლიურ საერთაშორისო კონფერენციას SESAM 2025 დაესწრნენ, რომელიც ჩატარდა ესპანეთში, ქალაქ ვალენსიაში. 

მათ მონაწილეობა მიიღეს სხვადასხვა სემინარებსა და ვორქშოფებში. გაეცნენ სიმულაციური სწავლების გამოწვევებს, მიღწევებს და სამომავლო პერსპექტივებს. დათვალიერეს და დატესტეს  თანამედროვე მანეკენები და მულაჟები, გაეცნენ OSCE საგამოცდო პროცესის თანამედროვე მეთოდებს.

კონფერენციის მიმდინარეობისას, საქართველოს უნივერსიტეტის წარმომადგენლები, პირადად შეხვდნენ მულაჟების მწარმოებელ კომპანიებს, რაც ურთიერთანამშრომლობის გაძლიერებას ეხმიანება, იმის გათვალისწინებით, რომ საქართველოს უნივერსიტეტი ერთადერთია, ქართულ საგანმანათლებლო სივრცეში, სადაც სტუდენტები, იდენტური, სწავლებისათვის საჭირო, სპეციფიური მულაჟებით სრულად არიან აღჭურვილნი.