2 მაისს, ხელი მოეწერა ხელშეკრულებას „აკადემიური თანამშრომლობის შესახებ“ - საქართველოს უნივერსიტეტსა და კომპანია “Sens Group-ს” (შვედეთი)  შორის. 

საქართველოს უნივერსიტეტს და კომპანია “Sens Group-ს“ შორის თანამშრომლობის შესახებ ხელშეკრულების საგანს წარმოადგენს - შვედეთში პროფესიული შესაბამისი სასწავლო ღონისძიებების განხორციელების საშუალებით,სამედიცინო კადრების (ექთნების; საექთნო კოლეჯების სტუდენტების; აპლიკანტების, რომლებმაც დაამთავრეს საშუალო სკოლა; ექიმების) დასაქმების პროცესის ხელშეწყობა და უზრუნველყოფა.

სასწავლო პროცესი განხორციელდება საქართველოს უნივერსიტეტის  და “Sens Group-ის“ მიერ შვედური საექთნო სკოლის, „Lernia-ს“ დახმარებით. წარმატებული აპლიკანტები მიიღებენ შვედურ სერტიფიკატებს ორ საგანში: შვედური ენა უცხოელებისთვის და საექთნო მოვლა.

სამედიცინო პერსონალი, რომელიც გაემგზავრება და მუშაობას დაიწყებს შვედეთში, უზრუნველყოფილი იქნება მაღალი დონის პირობებით ხარისხიანი მუშაობისა და ცხოვრებისათვის:

• დასაქმება შვედეთში;
• სახელმწიფო ან კერძო სამედიცინო დაწესებულებაში;
• კარგი სამუშაო პირობები და მაღალი ხელფასი;
• საცხოვრებელი ადგილი მოსახერხებელი ადგილმდებარეობით
• შვედური ოფიციალური სამუშაო ნებართვა;
• შვედური დაზღვევა და პენსია (თუ პიროვნებას ეკუთვნის);
• ცხოვრების ოფიციალური ნებართვა და შვედური მოქალაქეობა
• რამოდენიმე წელიწადში; ხელშეწყობა მართვის მოწმობის მიღებაში;
• ხელშეწყობა პერსონალურ და საოჯახო სოციალიზაციაში. 

სასწავლო პროცესის პირველი სტადია იწყება 2019 წლის სექტემბრიდან და გათვლილია 40 აპლიკანტზე.