საქართველოს უნივერსიტეტის სამართლის სკოლის პროფესორმა, ანა ფირცხალაშვილმა, ბელგრადში გამართულ კონფერენციაში - “European Integration and Western Balkans Stability”, მიიღო მონაწილეობა.
ღონისძიების ფარგლებში, განხილული იყო ევროკავშირის როლი რეგიონის უსაფრთხოებისა და სტაბილურობის უზრუნველყოფაში, ასევე ენერგეტიკული, კლიმატური და სამართლებრივი საკითხები დასავლეთ ბალკანეთში. კონფერენცია მოიცავდა თემატურ პანელებსა და ინტერაქტიულ დისკუსიას, რომელმაც ხელი შეუწყო გამოცდილების გაზიარებას, ახალ ინიციატივებს და საერთაშორისო კავშირების გაძლიერებას.
კონფერენცია DAAD-ის მხარდაჭერით გაიმართა და მიზნად ისახავდა DAAD-ის იურისტ-ალუმნი ქსელის გაძლიერებასა და გაფართოვებას, რომლის აქტიური წევრიც არის ანა ფირცხალაშვილი.
