27 მარტს, საქართველოს უნივერსიტეტის სოციალური მეცნიერებათა სკოლამ, წალკის დამამთავრებელი კლასების მოსწავლეებს უმასპინძლა, შეხვედრა განხორციელდა გაეროს განვითარების პროგრამასთან (UNDP) თანამშრომლობით, ნორვეგიის მხარდაჭერით და წალკის განვითარების ცენტრთან პარტნიორობით.

მოსწავლეებმა დეტალური ინფორმაცია მიიღეს, ჟურნალისტიკის, ფსიქოლოგიისა და საერთაშორისო ურთიერთობების საბაკალავრო პროგრამების შესახებ, უშუალოდ პროგრამის ხელმძღვანელებმა უპასუხეს მათთვის საინტერესო შეკითხვებს და ინტერაქციულ რეჟიმში განიხილეს უნივერსიტეტის შეთავაზებები გავრცობით ჭრილში, როგორც აბიტურიენტებისთვის, ასევე დაბალი კლასის მოსწავლეებისათვის. 

შეხვედრის ბოლოს მოსწავლეებმა,საქართველოს უნივერსიტეტის სტუდენტებთან ერთად გაცნობით ტურში მიიღეს მონაწილეობა და მოინახულეს UG-ის სტუდენტური სივრცეები.