2017 წლის 13 ნოემბერს საქართველოს უნივერსიტეტს,  ხელოვნებისა და ჰუმანიტარულ მეცნიერებათა სკოლის ისტორიის დეპარტამენტის მოწვევით, ესტუმრნენ: პოლონეთის რესპუბლიკის ელჩი საქართველოში, მისი აღმატებულება მარიუშ მაშკიევიჩი; ლიტვის  რესპუბლიკის საგანგებო და სრულუფლებიანი ელჩი საქართველოში, მისი აღმატებულება გიედრიუს პუოჯუნასი; ბატონი იციკ მოშე, ისრაელის სახლის დამაარსებელი და ხელმძღვანელი და  დელეგაცია  ისრაელიდან - ქალაქ მერის მოადგილე, ბატონი იოსი ხამამი.

ისტორიის დეპარტამენტმა მოაწყო ღონისძიება „თავისუფლების  ნამდვილი შვილი“, რომელიც  მიეძღვნა  ტადეუშ კოშჩიუშკოს, 1746-1817  (პოლონეთის, ლიტვის, ბელორუსიისა და აშშ-ის ეროვნული გმირი, საფრანგეთის საპატიო მოქალაქე) გარდაცვალებიდან მე-200 წლისთავს და  პოლონეთის დამოუკიდებლობის დღეს. პოლონეთის სეიმმა 2017 წელი ტადეუშ კოშჩიუშკოს წლად გამოაცხადა.

ღონისძიებას დაესწრნენ საქართველოს უნივერსიტეტის სტუდენტები და პროფესორ-მასწავლებლები, ასევე, თბილისის # 45-ე, 52-ე, 89-ე, 1-ლი ექსპერიმენტული  სკოლების, სკოლა „ალბიონის“ და UG სკოლის მოსწავლეები და ისტორიის მასწავლებლები. 

ღონისძიების პირველი ნაწილი იყო ინტერაქტიული ვორკშოფი: ვინ არის კოშჩიუშკო?,   ხოლო მეორე  ე.წ.  „წეპირი ისტორია“,  რომლის დროს სტუდენტების შეკითხვებს უპასუხეს მისმა აღმატებულება ბატონმა ელჩებმა და ბატონმა იციკ  მოშემ.

შეხვედრის ბოლოს ისრაელის ქალაქ როშინ ლე-ციონის  მერის მოადგილემ ბატონმა იოსი ხამამმა ისტორიის დეპარტემენტის უფროსს ცირა ჩიკვაიძეს გადასცა ქალაქ როშინ ლე-ციონის მშვიდობის მედალი.