25 აპრილს, საქართველოს უნივერსიტეტის სოციალურ მეცნიერებათა სკოლამ უმასპინძლა საჯარო ლექციას თემაზე: „აბსურდის ციკლი“.

საჯარო ლექციის ფარგლებში განხილული იყო XX საუკუნის ფრანგი მწერლის, ალბერ კამიუს ესე- „სიზიფეს მითი“ და რომანი- „უცხო“, რომელშიც გაჟღერებულია სიცოცხლის საზრისის და ეგზისტენციალური თემატიკის საკითხები.

ღონისძიება დისკუსიის რეჟიმში გაიმართა და განსაკუთრებით დიდი ინტერესი გამოიწვია მითოლოგიურმა პერსონაჟმა სიზიფემ. სპიკერმა და მსმენელებმა საინტერესო მოსაზრებები გაცვალეს ეგზისტენციალიზმის შესახებ.

საჯარო ლექციას გაუძღვა ირაკლი ამბროლაძე, ჟურნალისტიკის პროგრამის კურსის „კრიტიკული წერის“ ლექტორი.