26 სექტემბერს “მეცნიერებისა და ინოვაციების საერთაშორისო ფესტივალი - 2017” ფარგლებში საქართველოს უნივერსიტეტის ჯანმრთელობის მეცნიერებათა და საზოგადოებრივი ჯანდაცვის სკოლაში ჩატარდა საჯარო ლექცია თემაზე: "საქართველო-ნორვეგიის თანამშრომლობა საზოგადოებრივი ჯანდაცვის სფეროში“. ლექციას უძღვებოდა ნორვეგიის ჩრდილოეთ არქტიკის, ტრომსოს უნივერსიტეტის დოქტორანტი ნათია სხვიტარიძე. ლექციაზე განხილულ იქნა საზოგადოებრივი ჯანდაცვის სფეროში ქართულ-ნორვეგიული თანამშრომლობის ისტორია და გამოცდილება, თანამშრომლობის ფარგლებში განხორციელებული პროექტების მიღწევები, მიმდინარე პროექტები, ჩატარებული სადოქტორო კვლევები, შემუშავებული და დაგეგმილი სამედიცინო რეგისტრები, სამომავლო გეგმები და სხვა. ლექციის ბოლოს გაიმართა საინტერესო დისკუსია.