სიახლეები
2 აპრილს, საქართველოს უნივერსიტეტში, ქართული ცეკვის ან მსოფლიო ხალხთა ცეკვის დამდგმელი ქორეოგრაფის სამწლიანი საბაკალავრო პროგრამის ღია კარის დღე გაიმართა.
შეხვედრის ფარგლებში, საქართველოს უნივერსიტეტის რექტორმა, კონსტანტინე თოფურიამ და საგანმანათლებლო პროგრამის ხელმძღვანელებმა: გიორგი უშიკიშვილმა, გიორგი ალიმბარაშვილმა და ნინო მახათაძემ დეტალურად ისაუბრეს ქართული ცეკვის ან მსოფლიო ხალხთა ცეკვის დამდგმელი ქორეოგრაფის სამწლიანი საბაკალავრო პროგრამის შესახებ და უპასუხეს აბიტურიენტების მიერ დასმულ შეკითხვებს.
აბიტურიენტებმა, საგანმანათლებლო პროგრამის ხელმძღვანელებისგან მიიღეს მათთვის საჭირო და საინტერესო ინფორმაცია, სასწავლო პროგრამის შინაარსის, შიდა საგამოცდო ტურის, თეორიული და პრაქტიკული მეცადინეობებისა და პროგრამის ფინანსური შეთავაზებების შესახებ.
